भांगरभूंय | प्रतिनिधी
विखुरील्लीं पानां 59
भलायकी आनी खेळाच्या शिक्षणांत कुशळटाय हाडपाचो, गुणेस्तांक मार्गदर्शनाचो वावर भांगरभूंयंत जातलो. दर्या ल्हारांतल्यान उर्जा निर्मणेचे प्रयोग झुआरींत करपाक विरोध जाल्यार मांडवीचो कोनसो आसा.
गोंय मुक्तीच्या क्रांतीपर्वाक दोन वर्सांनी 75 वर्सां जातात. त्याच दिसा लोकभाशेंतलें भांगरभूंय दिसाळें 9 वो वर्धापनदीस मनयतलें. भांगरभूंय जेन्ना तंत्रज्ञानांतल्यान संवसारांत पावता तेन्ना फकत राजभास कोंकणी रोजगारा खातीर सक्तीची आसतली हें सपन पळोवया. सपनां पळयले बगर, झुजाविणें कोंकणी राजभास जाली? घटनेचे आठवे वळेरेंत पावली?
क्रांतीपर्वांतली भांगरभूंय फकत दिसाळें व्हय? भांगरभूंय म्हळ्ळ्यार आमचें राज्य, आमचो देश आनी आमची सरभोंवतण. विदेशांतलें ल्हान पान 9 व्या वर्सांत हे भांगरभूंयेंत कोण सुरू करतले तें गुपीत निमाणे मेरेन दवरुया. विदेशांतच कित्याक देशाच्या हेर वांठारांनी ग्रीन कार्ड घेवन रावपी गोंयकार नात? कालचे ते लाख, क्रांतीपर्वाच्या 75 व्या वर्सा कोटी आसतले. “ने मजशी ने मातृभूमीला”, “भारत आमचो म्हान रे” ह्या गीतांनी तांकां गोंयांत येवकार दिवया.
जें गोंयचें तेंच भारताचें, संविधानाचें अमृतमहोत्सवी वर्स मनयतना लोकसभा वेंचणुकेंतल्यान नव्या पर्वाचो आरंभ जाला. भारत स्वातंत्र्य झुजांतल्यान सत्तेर पाविल्ले भारतीय जनता पार्टी आनी काँग्रेस हे दोन मुखेल राजकी पक्ष. विखुरील्ल्या राजकारणांतय आयज तांचें बळगें चड उण्या प्रमाणांत उरलां. केंद्रांतल्या राष्ट्रीय विकास आघाडी सरकारांत पयलींचे काँग्रेसमन मंत्री आसात. भाजपाचे पंचवीस वर्सां आदले सरचिटणीस पंतप्रधान नरेंद्र मोदी, राखणेमंत्री राजनाथसिंग, विश्व हिंदू परिशद, संघ परिवाराचे वांगडी सरकार चलयतात. हिन्दी राश्ट्रभाशेन तांकां जोडून दवरलां, प्रदेश पावंड्यावेल्या राजकी पक्षांच्या तेंक्यार इंडिया, भारत सरकार घडयतात. राज्या राज्यांची राजभास तिगोवन दवरपी दोनय राजकी पक्षांत आसतलेच. तांची तिसरी आघाडी देशा खातीर जाली तरी राज्यांत स्वतंत्र घराबो. दिल्ली मेरेन पावतकच घराबे विखुरचे न्हय म्हणून जतनाय घेवपा पासत संविधानात बदल जाय. नवें वेंचणूक पर्व त्यो तजविजो घेवन येता तशेंच गिमाळ्या दिसांनी वेंचणुको हेफुडें जावच्यो न्ही म्हणून संविधानांतल्या बदलांचे संकेत केंद्रीय मंत्री किरण रिजजू हांणी दिल्यात. बदलपी पावसा वाऱ्यांतल्या ल्हारांप्रमाण संविधानांतले बदल आतां आडावंक कोण शकचोना. तेखातीर फावो तें भौमत केंद्र सरकारा कडेन संसदेंत आनी राज्यांनी आसा. लोकसभा, राज्यसभेंत, राज्यांनी अस्तुरेक उंचेल्या पदांचेर व्हरून 33 टक्के अस्तुरी राखीवता मंत्रिमंडळां मेरेन पावतली त्याच क्रांतीपर्वांतल्यान. अंदूंच्या केंद्रीय, राज्य अदमासपत्रकांत अस्तुरेक करोडपती जावपाची वाट दिसतली. करोडपती जातनाच तिका विकसीत भारतांत भौशीक मळांनी, वावराच्या सुवातींनी, येरादारींत राखण मेळपापासत घोशणा जातली.
स्वच्छ भारत 3 हाडपा पासत ‘तिसरी बार’ मोदी सरकाराचे यत्न आसपाक जाय. कोयर वेवस्थापनांतल्यान उर्जेचे निर्मणेची संद आसा हें गोंय, कर्नाटकान दाखोवन दिलां. महाराष्ट्र, गोंय पांचव्याताल्ल रस्त्या बगलांच्या पर्वांत म्हामार्गावेल्यान सरकता. ‘भांगरभूंय’ची तीच दिका, तीच वाट.
भलायकी आनी खेळाच्या शिक्षणांत कुशळटाय हाडपाचो, गुणेस्तांक मार्गदर्शनाचो वावर भांगरभूंयंत जातलो. दर्या ल्हारांतल्यान उर्जा निर्मणेचे प्रयोग झुआरींत करपाक विरोध जाल्यार मांडवीचो कोनसो आसा.
कोंकण रेल्वे हाडपावेळार जो विरोध, रक्तखेव जालो तेन्ना आयोग स्थापन करून जाय तें मेळोवपापासत सरकारान लोकांचो आवाज आयकुपा खातीर माची घडयली. ते माचयेर म्हयनोभर शिस्तीन आयकून घेवपाचो वावर जालो, निमणे मात्शे बदल जाले पूण कोंकण रेल्वे आयलीच.
भांगरभूंयंत आयज लागीं लागीं सगल्यो सरकारी जायराती येतात लोकभाशेंतलें एकच दिसाळें हाची याद दवरून. त्याच जायरातींतल्यान खाजगी कंपन्यांचे जायरातदार भांगरभूंयक सोदूंक लागल्यात.
प्रुडंट मिडीया कडेन जोडिल्लें ‘भांगरभूंय’ समेस्तांचो आवाज, विचारांचे धन जाता. त्या विचारांच्या धनांतल्यान हजारांनी विद्यार्थी, भंयणी, भाव कोंकणींतल्यान बरोवंक लागल्यात. कोंकणीचें प्रमाणीकरण जाताना राजभास लोकांची भास जावंक लागल्या. दुबाव विरयत तीच नोकरेची, राजकारभाराची भास करपाक जाय हो थाराव विधानसभेंत मांडचो. विधानसभेंतले थाराव, दिल्लें उतर बेगीन चालीक लागचें म्हणून समिती स्थापन जाता. फाटल्यान नदर मारल्यार थाराव उशापोंदा पावल्यात. ते उस्तून काडचे परस नव्या थारावांची येवजण करून तांकां मान्यताय मेळोवची. आमदार, खासदारांनी फाटल्यान लागून स म्हयन्यां भितर थाराव चालीक लावन घेवपाचो वावर कित्याक करचो न्ही? तें मोलादीक कामकाज अंदूच सुरू जावंचें. कोंकण ते भारताचें राजपाटण दिल्ली मेरेन. त्या राजपाटणांत भांगरभूंयची क्रांती पावोवया, इलेक्ट्रॉनिक मिडीयाबरोबर प्रिंट मीडीयांतल्यान.
– सुहासिनी प्रभुगांवकार
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
