भांगरभूंय | प्रतिनिधी
मुंबयः गोंयांत 1990 च्या दशकांत गाजिल्ल्या भांगर स्मगलिंग प्रकरणाचेर आदारीत एका हिंदी सिनेमाचें शुटिंग सध्या मुंबय चालू आसा. तातूंत नवाजुद्दीन सिद्दीकी कोस्तांव फर्नांडीस ह्या कस्टम अधिकाऱ्याची भुमिका करता. ताचे वांगडा प्रिया बापट आनी हेर कलाकार काम करतात. गोंयांत रोखडेंच ताचें शुटिंग चालू जातलें.
ह्या सिनेमाचें नांव अजून थारूंक ना. दिग्दर्शन सेजल शहा करता. हो सिनेमा कोस्तांव फर्नांडीस हांचे जिणेचेर आसा. ब्लॅक मार्केटिंग, तस्करी करपी लोकांच्या आड लडटना दिसतलो. कोस्तांव फर्नांडीस हे फुटबाॅल, कराटे ब्लॅक बॅल्ट खेळगडे. 1979 वर्सा गोंय कस्टमांत ते काम करताले. वार्का हांगा तांणी 1990 च्या दशकांत भांगर धरिल्लें. त्या वेळार तांचे कडेन जाल्ले झटापटींत एकल्याक मरण आयिल्लें. हें प्रकरण त्या काळार खूब गाजिल्लें. 1994 वर्सा कोस्तांव हे मुंबय रावपाक गेल्ले. थंय ते चलये वांगडा रावताले. कोस्तांव हांकां 1996 त राष्ट्रपती पदक मेळिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
