भांगरभूंय | प्रतिनिधी
राज्यांत कोवीड दुयेंतीं मदीं वाड जावंक ना
पणजी : राज्यांत कोवीड १९ दुयेतीं मदीं वाड जावंक ना. कोविडाचे स्थितीचेर सरकारचें जरी लक्ष आसा तरी भियेवपाची गरज ना, अशें मुख्यमंत्री डॉ. प्रमोद सावंत हांणी स्पश्ट केलें. महाराष्ट्रा सयत हेर राज्यांनी कोविडाचे दुयेंती वाडतूच आसा. हे फाटभूंयेर विचारलें तेन्ना मुख्यमंत्र्यांनी वयलें स्पश्टीकरण दिलें.
मास्काचो वापर वा हेर जतनाये विशीं केंद्रा कडल्यान राज्याक कसलेच तरेचे नवे आदेश येवंक ना. हाका लागून कसलेच तरेच्या सतर्कते विशींच्यो सुचवण्यो भलायकी केंद्रांक दिवंक ना, अशेंय मुख्यमंत्र्यान म्हणलें.
केंद्रीय भलायकी मंत्रालयाचे वेबसायटीचेर गोंयांत कोविडचे ८ दुयेंती सांपडिल्ल्याचें दाखयता. भलायकी संचालकां कडल्यान मात हाका फाटबळ मेळूंक ना. कोविडाचे एक दुयेंती गोंय वैजकी महाविद्यालय हॉस्पिटलांत सांपडिल्लो. ताका डिस्चार्ज दिल्ल्याची म्हायती गोवा वैजकी महाविद्यालयाचे वैजकी अधीक्षक डॉ. राजेश पाटील हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
