भांगरभूंय | प्रतिनिधी
उज्जैन, खबरां संस्था ः कोविड लस घेतिल्ल्यांच्या काळजाचो धमनी (शिरो) आकुंचित जाल्ल्यो आसात. हाका लागून काळजाच्या दुयेंतींचो आंकडोय वाडला. दोन वर्सां संशोधन केल्या उपरांत स्पश्ट जालां की काळजाच्या आताकान तरणाट्यांकय अचकीत मरण येता.
फकत उज्जैनांत ह्या दोन वर्सांत काळजाचे दुयेंती दीड पटींनी वाडल्यात. हे फाटभुंयेर क्षिप्रा हॉटेलांत आयोजीत केल्ल्या कार्यावळींत नामनेचो हृदयरोग तज्ञ आनी भारतीय कार्डियोलॉजी सोसायटीचे अध्यक्ष डॉ. संजय त्यागी (दिल्ली) हांणी वयली म्हायती दिल्या.
अनियमीत खावपाची, न्हिदपाची संवय, मोटसाण आनी उच्च रक्तदाब हीं तरणाट्यांक गोडेंमूत जावपाचीं मुखेल कारणां अशेंय डॉ. त्यागीन सांगलें. पांय सुन्न जावप, जळप आनी पांय दुखप हाचे कारण शिरांनी कोलेस्टेरॉल तयार जावप हें आसा. तशेंच गोडेंमूत आशिल्ल्या आनी सिगरेट ओडपी लोकांक पांयांक त्रास जावपाची शक्यताय आसा अशेंय तांणी सांगलें.
हैदराबादचे नामनेचे तज्ञ सी. नरसिंह हांणी अचकीत मरण येवपाचें कारण सोदलें तेन्ना काळजाची धडधड अनियमीत आनी नेटान चलता अशें दिसून आयलें. चलतना स्वास घेवपाक त्रास जाता तेन्ना काळजाची धडधड वाडटा. अशा मनशान आपली साकर, रगतदाब आनी वजन हांचे मदीं संतुळा दवरपाची गरज आसता. नेमान तपासणी करप गरजेचें अशें हृदयरोग तज्ञ प्रो. डॉ. गर्ग हांणी ह्या वेळार सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
