भांगरभूंय | प्रतिनिधी
पणजीः विधानसभेच्या १० सत्रांची सुरवात कोफुसावांत जाली. कोळश्याचेर विधानसभेंत मांडिल्लो प्रस्न तारांकीत आसलो तो अतारांकीत म्हण ट्रान्सफर केलो, असो आरोप विरोधी पक्ष फुडारी युरी आलेमाव हांणी केलो. उपरांत मुख्यमंत्री डॉ. प्रमोद सावंत आनी विरोधी पक्ष फुडारी हांचे मदीं उतरांचे गेऽऽर्र पेटलें.
सभाघराची कार्यवाही सुरु जावचे पयलींच आलेमाव हांणी कोळश्याच्या प्रस्ना वेल्यान बोवाळ घालपाक सुरवात केली. कोळश्याचो प्रस्न पयलीं तारांकीत वळेरेचेर घातिल्लो. मात तो प्रस्न आतां अतारांकीत वळेरेर घालून ताची जाप दिल्या. हो ३ ते ४ हजार कोटींचो कोळश्याचो घोटाळो आसा, असो आरोप आलेमाव हांणी केलो.
हो प्रस्न अंतारांकीत वळेरेर घालून मुख्यमंत्री संविधानाची हत्या करता असो आरोप सभाघरांत केलो. मुख्यमंत्र्यान हे जापेक आक्षेप घेवन आपतकाळा वेळार कॉंग्रेशीन संविधानाची खऱ्यांनी हत्या केली असो प्रत्यारोप केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
