भांगरभूंय | प्रतिनिधी
कोळसो मंत्रालयाची म्हायती
नवी दिल्ली, खबरां संस्था ः जानेवारी २०२४ त कोळशाच्या वट्ट उत्पादनांत (Coal production) बरीच वाड जाल्या. हे विशीं कोळसो मंत्रालयान म्हायती दिल्या. कोळशाचें उत्पादन 99.73 दशलक्ष मेट्रीक टन मेरेन पावलां. फाटल्या वर्सा ह्याच काळांत कोळशाचें उत्पादन 90.42 मेट्रीक टन आशिल्ले. म्हणल्यार सध्या 10.30 टक्क्यांनी वाड जाल्या. तेच बरोबर कोळशाची निर्यातय वाडल्या अशी म्हायती मंत्रालयान दिल्या.
कोळसो मंत्रालयाच्या म्हणण्या प्रमाण जानेवारी 2024 वर्सा 99.73 दशलक्ष टन कोळशाचे उत्पादन जाले. हाका लागून कोळशाच्या निर्यातींतय 6.52 टक्क्यांनी वाड जाल्या. सध्या कोळसो निर्यातीचो आंकडो 87.37 मेट्रीक टन जाला. कोल इंडिया लिमिटेड (CIL) कंपनीचें उत्पादन जानेवारी 2024 वर्सा 78.41 मेट्रीक टन पावला. जानेवारी 2023 वर्साच्या 71.88 मेट्रीक टन तुळेंत 9.09 टक्क्यांनी वाड जाल्या. अर्थीक वर्स 2023-24 (जानेवारी 2024 मेरेन) देशांतल्या एकत्रीत कोळशाच्या उत्पादनांत 784.11 मेट्रीक टन वाड जाला. अर्थीक वर्स 2022-23 वर्सा ह्याच काळांत 698.99 मेट्रीक टन उत्पादनाचे तुळेंत हातूंत 12.18 टक्क्यांनी वाड जाल्ल्याचे दिसून आयले.
कोळशाची निर्गत वाडली…
जानेवारी 2024 वर्सा 87.37 मेट्रीक टन कोळसो निर्गत जाला. तर जानेवारी 2023 वर्सा 82.02 मेट्रीक टन कोळसो निर्गत जाल्लो. कोळशाच्या निर्यातीचे तुळेंत 6.52 टक्क्यांनी वाड जाल्या. त्याच वेळार कोल इंडिया लिमिटेड कंपनीन जानेवारी 2024 वर्सा 67.56 मेट्रीक टन कोळसो निर्गत करून उत्कृश्ट कामगिरी केल्या. जानेवारी २०२३ त हो आंकडो 64.45 मेट्रीक टन म्हळ्यार 4.83 टक्क्यांनी वाडला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
