कोल्हापूरा हॉस्टेलांत ल्हान विद्यार्थ्यांक बेल्ट, बॅट आनी दांड्यांनी बडयले

भांगरभूंय | प्रतिनिधी

कोल्हापूरः हातकणंगले तालुक्याच्या तळसंदे निवासी हॉस्टेलांत कांय विद्यार्थ्यांनी ल्हान विद्यार्थ्यांक मारबडय केल्ल्याचो व्हिडियो सध्या खूब व्हायरल जाला. हातांत बेल्ट, बॅट आनी दांडे घेवन जायत्या ल्हान विद्यार्थ्यांक मारबडय करीत आशिल्ल्याचे तातूंत दिसता. दोन दिसां आदली ही घडणूक. मारपेटींत सिद्धिविनायक सनी मोहिते (16, उचगांव) जखमी जाला. सकाळीं पांचांक हॉस्टेलांत ही घडणूक घडली. संबंदीत हॉस्टेलाच्या रेक्टरा आड पेठवडगांव पुलीस स्टेशनांत गुन्यांव नोंद केलां.

किरकोळ कारणांतल्यान वाद
जखमी सिद्धिविनायकाक उपचारा खातीर सीपीआरांत दाखल केला. हे घडणुके उपरांत विद्यार्थ्यांक मारपेट जावपाचे जायते व्हिडियो व्हायरल जावपाक लागल्यात. म्हणल्यार विद्यार्थ्यांनी हो व्हिडियो रेकाॅर्ड केला. हे विशीं हॉस्टेल प्रशासनान वा पुलिसांनी कसलीच अधिकृत म्हायती दिवंक ना. मजगतीं, सीपीआर पोस्टाचेर दाखल केल्ले कागाळी प्रमाण कागाळदाराचो पूत संबंदीत शाळेंत धावेंत शिकता. तो हॉस्टेलांत रावता. 6 ऑक्टोबराक कागाळदाराचो पूत आनी वर्गातलो विद्यार्थी पृथ्वीराज कुंभार हांचे मदीं एका ल्हान कारणा वयल्यान वाद जालो. ह्याच वादाक लागून आरोपीन पीटी परेड वेळार जखमी विद्यार्थ्यांक माचयेवेल्यान कुशीक व्हरून मारपेट केलो.
जे तरेन विद्यार्थ्यांक विद्यार्थ्यां कडल्यान मारपेट करतात ती घडणूक धक्को दिवपी आसा. गॅलरींत विद्यार्थ्यांक लायनींत उबे करुन तांकां सामके क्रूरपणान दोन ते तीन विद्यार्थी मारतात ते व्हिडियोंत दिसता. एकलो तांकां बॅटान मारतना दिसता. दुसऱ्या व्हायरल व्हिडियोंत ताका शौचालयांत मेळपी खंयचेय वस्तून मारतात अशें दिसता. विद्यार्थी व्हडल्या व्हडल्यान रडटात. देखून इतले क्रूर आनी अमानवीय पद्दतीन मारपेट करता आसतना संस्था वेवस्थापन कितें करता, थंय कोणूच शिक्षक कसो ना, दोन दीस जाले पुलिसांनी कारवाय कित्याक करूंक ना, अशे प्रस्न उप्रासल्यात.