भांगरभूंय | प्रतिनिधी
पोस्टमार्टमा उपरांत केले निमाणे संस्कार
भांगरभूंय । प्रतिनिधी
मडगांवः कोलव्यां दर्यादेगेर शुक्रारा सकाळीं सुमार अडेज फूट लांबायेचें डॉल्फीन मेल्ले अवस्थेंत सांपडलें. रान खात्याच्या अधिकाऱ्यां वतीन त्या डॉल्फिनाक उदका भायर काडलें. रिफवॉच मरीन कन्झर्व्हेशना वतीन नुस्ताचो पोस्टमार्टम केलो आनी ते उपरांत ताचेर निमाणे संस्कार केले. कोलव्या दर्यादेगेर शुक्रारा सकाळीं एक डॉल्फीन मेल्ले अवस्थेंत उफेतना लोकांनी आनी नुस्तेमारांनी पळयलें. तांणी ही म्हायती रान विभागाच्या अधिकाऱ्यांक दिली. रान खात्याच्या कर्मचाऱ्यांनी वचून डॉल्फीनाक उदकांतलें भायर काडलें आनी हाची म्हायती रिफ वॉच मरीन कन्झर्व्हेशन ह्या रानवटी जीव संरक्षणा खातीर काम करपी एनजीओक दिली. तांणी कोलव्या दर्यादेगेर येवन त्या डॉल्फीनाचो पोस्टमार्टम केलो. ते उपरांत दर्यादेगे लागसार व्हड फोंडकूल खणून ताचेर निमाणे संस्कार केले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
