भांगरभूंय | प्रतिनिधी
मडगांव : कोलवाच्या दोन मसाज पार्लरांचेर मंगळारा रातीं दक्षीण गोंय मानव तस्करी विरोधी पंगड, कोलवा पुलीस आनी अर्ज हे स्वयंसेवी संस्थे वतीन जोड कारवाय केली. हातूंत 9 चलयांक सडयलीं. तशेंच दोगांचेर अटकेची कारवाय केली.
हे विशीं मेळिल्ले म्हायती प्रमाण, दक्षीण गोंय पुलीस अधीक्षक टीकमसिंग वर्मा हांच्या नेतृत्वाखाला ही कारवाय केली. कोलवाच्या मसाज पार्लरांत चलयांक बेकायदेशीरपणान हाडिल्ल्याची म्हायती मेळिल्ली. ते प्रमाण पुलिसांनी ही कारवाय केली. हातूंत दक्षीण गोंय मानवी तस्करी विरोधी पंगड, कोलवा पुलिसांचो पंगड आनी अर्ज हो स्वयंसेवी संस्थेच्या पदाधिकार्यांचो हे कारवायेंत आसपाव आशिल्लो. हातूंत हॅपिनेस आनी रॉयल स्पा अशा दोन मसाज पार्लरांचेर छापो घालून पुलिसांनी णव चलयां सोडयलीं. सध्या तांकां मेरशेच्या सुधारघरांत धाडल्यां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
