भांगरभूंय | प्रतिनिधी
पांच दुचाकी जप्त: बेबद्या ड्रायव्हराचेर गुन्यांव नोंद
मडगांव : कोलवा पुलिसांनी शेनवारा रातीं धा दुबावितांचेर प्रतिबंधात्मक अटकेची कारवाय केली. तशेंच परवान्या बगर गाडी चलयिल्ले खातीर पांच गाडयो जप्त केल्यो. तशेंच सोरो पियेवन गाडी चलोवपी ड्रायव्हराचेर गुन्यांव नोंद केलो.
राज्यांत वाडपी गुन्यांव उणे जावचे खातीर दक्षीण गोंयांतूय पुलीस बंदोबस्त आनी गस्त वाडयल्या. कोलवा पुलिसांनी पुलीस निरीक्षक विक्रम नायक हांच्या मार्गदर्शना खाला शेनवारा रातीं अचकीत नाकाबंदी करीत गाडयांची तपासणी मोहीम राबयली. हे नाकाबंदी वेळार कोलवा पुलिसांनी सोरो पियेवन गाडी चलोवपी दुबावितांचेर गुन्यांव नोंद केला. वाहन परवानो नासतनाय दुचाकी घेवन भोंवपी पांच जाणांचेर कारवाय करीत गाडयो जप्त केल्यो. तशेंच भौशीक सुवातांचेर सोरो आनी हेर गजाली करून शांतिकाय भंग करपी धा दुबावितांक ताब्यांत घेवन तांकां प्रतिबंधात्मक अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
