भांगरभूंय | प्रतिनिधी
६० हजारांच्यो इ सिगारेटी जप्त, दोग जाण ताब्यांत
मडगांव : ई-सिगारेटी बेकायदेशीर विक्री करपी तीन दुकानांचेर कोलवा पुलिसांनी धाड घाली. हातूंत ६० हजारांच्यो इ सिगारेटी जप्त केल्यो. जाल्यार दोगां दुबावितांक गुन्यांव नोंद करीत तांकां ताब्यांत घेतले.
दक्षीण गोंय पुलीस अधीक्षक टिकम सिंग वर्मा हांच्या नेतृत्वा खाला उपअधीक्षक सिद्धांत शिरोडकार हांच्या मार्गदर्शना खाला पुलीस निरीक्षक विक्रम नायक हांणी शेनवारा रातीं बेकायदेशीरपणान ई सिगारेट विक्री प्रकरणांत कारवाय केली.
कोलवा पुलिसांनी बाणावलेच्या कादर सुपर मार्केट लागसारच्या अल अब्राह, कोलवा कादर सुपर मार्केटा लागसारच्या अल अब्राह आनी कोलवाच्या बास्किन्स अँड रॉबिन्स आइस्क्रीम सेंटर लागसारच्या अल अब्राह ह्या तीन दुकानांचेर धाड घातली. हे कारवायेंत पुलिसांनी ६० हजार रुपयांच्या इ सिगारेटी जप्त केल्यात. इलेक्ट्रॉनीक सिगारेट प्रतिबंधक कायदो, २०१९ खाला दोगां दुबावितांचेर गुन्यांव नोंद केलो आनी तांकां ताब्यांत घेतले. ही कारवाय ई- सिगारेटीचो धोको जावचो न्हय आनी भौशीक भलायकेची राखण करपा खातीर गोंय पुलिसांच्या यत्नांचो एक भाग आशिल्ल्याचें सांगलें. इ सिगारेट विक्रीचें प्रमाण वाडिल्ल्यान पुलीस अधीक्षक वर्मा हांच्या मार्गदर्शना खाला ह्यान फुडेंय ही कारवाय सुरू उरतली अशें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
