भांगरभूंय | प्रतिनिधी
भांगरभूंय । प्रतिनिधी
म्हापशेंः कोलवाल हांगा आंबेडकार उच्च माध्यमीक विद्यालया लागच्या भुयारी मार्गाचें अलायमेन्ट तशेंच बांदकाम वेवस्थीत केलें नाशिल्ल्यान वाहनाचे टायर फुटपाचे प्रकार घडटात. हाचेर फावो तो तोडगो काडपाची मागणी कोलवाळ पंचायत मंडळान राष्ट्रीय म्हामार्ग प्राधिकरणा कडेन केल्या.
सरपंच दशरथ बिचोलकार हाच्या फुडारपणा खाला पंचायत मंडळान ह्या मार्गाची पळोवणी केली. ह्या मार्गाचें बांदकाम करतना दुभाजकाचें सारकें अलायमेन्ट केलें ना. ताचे विशीं पंचायत मंडळान प्रस्नचिन्न उपस्थीत केला. व्होल्त घेवपी वाहनाचे टायर अडकून ते फुटपाचे प्रकार घडटात, अशें आसतना ह्या भुयारी मार्गाक परवानोकसो दिलो अशें पंचायत मंडळान प्राधिकरणाक विचारलां.
हे सुवातेर सर्व्हिस रोडार गटाराची वेवस्था केल्ली ना. शिवाय हे सुवातेर स्पीडब्रेकर वा परावर्तीत हारशे घालून दिवपाची मागणी वाहनचालकांनी केल्या. बांदकाम अभियंतो कर्पे हांणी जाय त्यो गजाली करपाचें आस्वासन पंचायत मंडळाक दिलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
