भांगरभूंय | प्रतिनिधी
म्हापशें: कोलवाळच्या सरपंचपदार दशरथ उर्फ परेश बिचोलकार हांची बिनविरोध निवड जाली. शितल चोडणकार हांणी राजिनामो दिले उपरांत हें पद रितें आशिल्लें.
सरपंच निवडी खातीर पंचायत कार्यालयांत बसका जाली. ह्या वेळार उपसरपंच योगिता चोडणकार, सुप्रिया कानोळकार, प्रियंका बिचोलकार, लिब्रेटा फर्नांडीस, दशरथ बिचोलकार आनी रती उर्फ रितेश वारखंडकार हे पंच हाजीर आशिल्ले. जाल्यार हनुमंत हळर्णकार आनी नारायण डिचोलकार हे पंच गैरहाजीर रावले.
सरपंचपदा खातीर दशरथ बिचोलकार हांचो एकसुरो अर्ज दाखल जालो. ताका लागून वेंचणूक अधिकाऱ्यांनी तांची ह्या पदाचेर बिनविरोध निवड जाल्ल्याचें जाहीर केलें. आदले आमदार किरण कांदोळकार आनी आदले सरपंच नित्यानंद कानोळकार हांणी नवनिर्वाचीत सरपंच परेश बिचोलकार आनी पंचायत मंडळाक परबीं दिलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
