भांगरभूंय | प्रतिनिधी
म्हापशें, प्रतिनिधी ः अझीझ अस्लाम आसिफ (कर्नाटक) ह्या अंडर ट्रायल कैद्याचेर दुसऱ्या एका कैद्यान पेनान हल्लो केलो. हे घडणुकेंत अझीझाच्या दोळ्याक आनी हाताक घावो जाला.
सोमारा रातीं कोलवाळ बंदखणींत ही घडणूक घडली. अझीझाचेर न्हिदिल्लो आसतना हल्लो जालो. घडणुके उपरांत ताका बंदखणींतल्यान म्हापशें जिल्हो हॉस्पिटलांत उपचारा खातीर व्हेलो. मजगतीं, दोतोरांनी अझीझाचेर उपचार करून ताका परतून बंदखणींत धाडलो.
हल्लो करपी कैद्याचें नांव सांगूंक ना. ह्या प्रकरणाची चवकशी बंदखण प्रशासन करता. मजगतीं, हाचे आदीं बंदखणींत आसतना अझीझान 2022 वर्सा कैदी गजेंद्र सिंग हाचेर ब्लेडीन हल्लो केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
