भांगरभूंय | प्रतिनिधी
म्हापशेंः कोलवाळे पुलाचेर जाल्ल्या आप-अपघातांत गंभीर जखमी जाल्ल्या समृद्धी गुरूदास वायंगणकार (25, खोर्ली- म्हापशें) हाका आयज सकाळीं उपचारा वेळार मरण आयलें. सांजेच्या 4.30 वरांचेर खोर्ले शांतीवन मसणभुंयेंत तिचेर निमाणे संस्कार जातले. समृद्धी ही म्हापशेंची आदली नगराध्यक्ष शुभांगी वायंगणकार आनी आदले नगरसेवक गुरूदास वायंगणकार हांची धूव.
हो अपघात २० एप्रीलाक सकाळीं कोलवाळ पुलाचेर जाल्लो. पेडणें सावन म्हापशें वटेन येतना दुचाकीवेले नियंत्रण सुटून कोलवाळ पुलाचेर ती पडली. ह्या वेळार समृद्धीची तकली पुलाच्या फुटपाथाचेर आपटली आनी ती गंभीर जखमी जाली. जाल्यार स्कुटर चलोवपी सिद्धाली महाले (24, कुमयामरड, गिरी) गंभीर जखमी जाल्ली.
अपघातांत सिद्धालीचो पांय मोडिल्लो. उपचारा उपरांत ताका जीएमसींतल्यान घरा धाडलें. जाल्यार समृद्धीचेर उपचार चलताले. आयज सकाळीं तें भायर पडलें.
अपघाताचो पंचनामो पेडणें पुलीस उपनिरिक्षक विवेक हळर्णकार आनी हवालदार विनायक तळावणेकार हांणी केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
