भांगरभूंय | प्रतिनिधी
पेरू: कोलंबियन वायुसेनेच्या लश्करी विमानाक काल दक्षीण एमेझॉन वाठारांतल्या पेरू देशाचे शिमे लागसार आशिल्ल्या प्युएर्तो लेगुइझामो हांगा अपघात जालो. रॉयटर्साच्या म्हणण्या प्रमाण, सुमार ५७ सैनिकांक वाटयल्यात.
संरक्षण मंत्री पेद्रो सांचेझ हांणी सांगलें, कोलंबियाच्या वायुसेनेच्या हर्क्युलस सी-१३० लश्करी विमानाक हो अपघात जालो. अपघाताचें कारण कितें हाची चवकशी सुरू आसा अशें तांणी सांगलें.
सी-१३० हर्क्युल्स विमाना विशीं
सी-१३० हर्क्युलस हें लश्करी येरादारी विमान आसून ताचो उपेग सैन्य, शस्त्रां आनी आदार दिवपी वस्तूंची येरादारी करपा खातीर जाता. कसलेय धांवपट्टेचेर तें देंवूंक शकता. तातूंत जड म्हाल, हेलिकॉप्टर, बखरी वाहनां, आनी व्हड प्रमाणांत आदार दिवपी वस्तू एकाच वेळार व्हरूंक मेळटात.
वैजकी आणीबाणी, सैमीक आपत्ती निवारण, उजो पालोवप, हवामानाचेर नियंत्रण दवरपा खातीर ताचो उपेग करतात. तें ४२,००० पावंड (सुमार १९,००० किलोग्राम) मेरेन सामान व्हरपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
