भांगरभूंय | प्रतिनिधी
पेडणें: कोरगांव सरपंचपदार नीता नितीन नर्से हांची विरोधाविणें निवड जाली. देड म्हयन्यां पयलीं सरपंच अब्दुल नायक हांणी पदाचो राजीनामो दिल्लो. उपरांत हें पद रितें आशिल्लें. पंचायत संचलनालयान दोन फावटीं नव्यो तारखो जाहीर केल्ल्यो. मात तेन्ना ती वेंचणूक जावंक ना. तिसरे फावटीं पंचायत संचालकान ७ जुलय ही तारीख वेंचणुके खातीर निश्चीत केल्ली. ते प्रमाण नीता हांणी सरपंच पदा खातीर उमेदवारी अर्ज सादर केलो. तिका आदले सरपंच तशेंच आतांचे पंच अनुराधा कोरगांवकार आनी कल्पिता कलशांवकार हांणी अनुमोदन दिलें.
ह्या वेळार उपसरपंच दिवाकर जाधव, पंच समिल भाटलेकार, देविदास नागवेंकार, अनुराधा कोरगांवकार, उमेश च्यारी, लौकिक शेट्ये, कल्पिता कलशांवकार, सेक्रेटरी श्रद्धा कोरगांवकार, निर्वाचन अधिकारी म्हणून ठाकूर आनी हेर हजर आशिल्ले.
सरपंचपदा खातीर एकूच अर्ज आयिल्ल्यान तिची निवड निर्वाचन अधिकार्यान जाहीर केली.
ह्या वेळार सरपंच नीता नर्से हांणी सांगलें, सरकारा वरवीं पंचायत वाठाराची पुरायेन उदरगत करतलें. आपल्याक सगल्या पंच वांगड्यांनी फाटबळ दिलां आनी देवदेवतांचे आशीर्वाद मेळिल्ल्याने आपूण ह्या पदार पावल्यां. आपूण कोणाचेरूच अन्याय जावपाक दिवचीं ना. सगल्या प्रभागाची समान उदरगत करपाचो यत्न करतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
