भांगरभूंय | प्रतिनिधी
भांगरभूय । सांस्कृतीक प्रतिनिधी
पणजीः कोकण मराठी परिशद- गोंय वतीन आषाढस्य प्रथम दिवसे ही कार्यावळ 19 जूनाक सांजे 4 वरांचेर पणजे इन्स्टिट्यूट मिनेझिस ब्रागांझा (आयएमबी) हांगा जातली. गोमंतक साहित्य सेवक मंडळाच्या पालवान जावपी हे कार्यावळींत कवी चित्रसेन शबाब ( य बा सुतार) हांका अदूंचो कोमपाचो कालिदास पुरस्कार भेटयतले.
हे कार्यावळीक मुखेल सोयरे म्हणून अॅड संभाजी मोहिते, संत साहित्याचे अभ्यासक डॉ गोविंद काळे हाजीर रावतले अशें कोमपाचे सल्लागार रमाकांत खलप हाणे बुधवारा एके पत्रकार परिशदेंत सांगले. कोमप वतीन आतां मेरेन गजानन रायकर, गोपाळराव मयेकार, विनायकराव खेडेकर, डॉ. सोमनाथ कोमरपंत, विष्णू वाघ, सुरेश वाळवे अशा नामनेच्या 16 साहित्यिकांक कालिदास पुरस्कारान भौवमानीत केलां अशें खलप हाणे सांगलें. पत्रकार परिषदेक कोमपाचो अध्यक्ष सागर जावडेकार,कार्याध्यक्ष नारायण महाले,सचीव चित्रा क्षीरसागर, भांडारी अजित नार्वेकर,आयएमबीचो अध्यक्ष दशरथ परब, गोसासे मंडळाचोअध्यक्ष रमेश वंसकर हाजीर आशिल्लो.
मुखेल सुवाळ्या उपरांत चित्रसेन शबाब हाचे येजमानके खाला कवी संमेलन जातलें. तातूंत 35 कवी, कवयित्री वांटेकार जातले. तातूंत लक्ष्मण पित्रे, दयाराम पाडलोस्कर, स्वप्ना धुपकर, अंजली चितळे, सुनेत्रा कळंगुटकार,गौरी भालचंद्र, प्रकाश क्षीरसागर, आसावरी कुलकर्णी,गुलाब वेर्णेकार, विश्वनाथ जोशी, संदीप मणेरीकार,प्रमोद कारापूरकार,डॉ. शिल्पा डुबळे,श्रद्धा गवंडी, कालिका बापट, श्रमी कामत, चित्रा क्षीरसागर, रजनी रायकार,कविता आमोणकार, दीपा मिरिंगकार, माधुरी शेटकर,सचिन मणेरीकार,सविता सामंत, इंदू परब, शर्मिला प्रभू, सृष्टी नायक,पौर्णिमा देसाय, शीला कोळंबकार,समृद्धी केरकार, प्राप्ती गांवकार, आकांक्षा नायक, प्रकाश तळवडेकार, राजमोहन शेट्ये, लक्ष्मी महात्मे हांचो आसपाव आसा
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
