भांगरभूंय | प्रतिनिधी
फोंडें: गाडये पोंदाक येवन जनावरां मरपाचें प्रमाण बरेंच वाडलां. रस्त्यार येवप जनावरांक कांय चालक मुद्दमूय चिड्डून वतात. अशेंच कोणे-प्रियोळच्या राष्ट्रीय म्हामार्गार सोमारा सकाळीं अजगराक अनवळखी वाहना पोंदा येवन मरण आयलें. फाटल्या कांय दिसां सावन हो अजगर सेगीत रस्त्यार दिसतालो.
हे विशीं चड म्हायती प्रमाण, कोणे-प्रियोळच्या हनुमान मंदिरा लागसारच्या राष्ट्रीय म्हामार्गार सोमारा एका अजगराक मरण आयलें. ताका एका अनवळखी वाहनान चिडिल्ल्याचें समजता. थळाव्यांच्या म्हणण्या प्रमाण हो अजगर फाटल्या कांय दिसां सावन जायत्या जाणांक रस्त्यार भोंवतना दिशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
