भांगरभूंय | प्रतिनिधी
पांच दुकानांचेर दंडात्मक कारवाय
मडगाव: कोटपा कायदो मोडप जाता काय ना हें तपासपा खातीर सासश्टी म्हाल अंमलबजावणी पंगडान मडगांव वाठारांतल्या गाडे आनी स्टॉल्सांची तपासणी केली. हे मोहिमेंत कायदो मोहिल्ले खातीर पांच दुकानांचेर दंडात्मक कारवाय केली.
मामलेदार रोहन पेस हांच्या नेतृत्वा खाला पंगडान फातिमा कॉन्व्हेंट लागसार तपासणी केली तेन्ना, शाळा वाठारांतल्या १०० यार्डांच्या भितर सिगारेट, तंबाखूचें पाव्च, बिडी आनी हेर तंबाखूच्यो वस्तू विक्री जाता हें दिसून आयलें.
हे तपासणे मजगतीं कोटपा कलम ४ आनी ६(अ) मोडिल्ले खातीर वट्ट ५ दुकानांक चलन जारी केलें आनी तांचे कडल्यान २००० रुपयांचो दंड वसूल केलो. पुलीस उपनिरीक्षक संजय वेळीप, गोंय कॅनचे सचिव लोर्ना फर्नांडीस हांचे सयत हेर वांगड्यांनी ह्या पंगडांत वांटो घेतिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
