भांगरभूंय | प्रतिनिधी
कोची उद्यानेश्वर शिवालयाच्या प्रांगणांत पांडुरंग कला केंद्राचे बॅनरा खाला कोंकणी इतिहासीक नाटक ‘अतिजीवन’ हालींच जालें. सुमार 450 वर्सां आदीं गोंयांत रावपी कोंकणी समाजाचे जीवित हो ह्या नाटकाचो विशय.
पुर्तुगेजांनी धर्मांतरा खातीर गोंयच्या लोकांचेर हाडिल्ले दंडात्मक नेम, पीडा, कश्ट आनी गोंय सोडून वचपाक जाल्लीं कारणां आदी गंभीर विशयांक ह्या नाटका निमतान लोकां मदीं हाडपाचो हो प्रयास आशिल्लो. दर्शकां कडल्यान बरो प्रतिसाद मेळिल्ल्या ह्या नाटकाची रचणूक आनी संवाद एम. अरुण कुमार कामत हांणी बरयल्यात. दिग्दर्शन एल. कृष्ण भट हांचें. तांणीचच संगीत दिलां. हातूंत (स्व.) सुशीला टी भट हांणी संग्रह केल्लीं लोकगीतां आनी बालकृष्ण मल्ल्यान बरयिल्लें भावगीत अशीं दोन गितां आसात. गायत्री भट, प्रसेन कुमार मल्ल्या हाणीं गायन केलें. तर
एल. कृष्ण भट, एम. अरुणकुमार कामत, गोविंद पै, श्रीकर प्रभु, सुप्रभा कृष्ण भट, वेंकटरमण भट, शिव राय, राधाकृष्ण भट, गायत्री भट, धनेश मल्ल्या, दयानंद भट आदी कलाकारांनी कथापात्रां जिवी केलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
