भांगरभूंय | प्रतिनिधी
भांगरभूंय । खबरां मेज
पणजीः कोचीन कन्नड सांस्कृतीक महोत्सवाचो एक वांटो म्हणून फाटल्या आयतारा 30 एप्रिलाक कोची शारांत एर्नाकुलमांत एक दिसाचें भोवभाशा कवी संमेलन व्हडा उमेदीन जाले.
तातूंत ब्यारी, इंग्लिश, हव्यका, हिंदी, कन्नड, कोंकणी, मल्याळम, संस्कृत, तमीळ, तेलगू, तुळू आनी उर्दू भाशीक कविनी आपल्यो कविता सादर केल्यो. साहित्य अकादमी पुरस्कार जैतिवंत कवी बाब शरतचंद्र शेणै हांणी कोंकणीचें प्रतिनिधीत्व केलें. तांणी आपली ‘अस्वस्थ’ ही कविता सादर केली
कवी संमेलनाची येजमानकी प्रा. वीणा यू एस हांणी चयलयली. सूत्रसंचालन श्रीमती परिणिता रवी हिणे केलें. ती स्वता इंग्लिश कविता प्रतिनिधी आशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
