भांगरभूंय | प्रतिनिधी
मडगांवः कोंकण रेल्वे पुलिसांनी दुबावीत तरेन भोंवपी शानवाज ख्वाजा बेपारी (21, रा. खारेबांद, मडगांव, मूळ हुबळी कर्नाटक) अटक केली. ताचे कडल्यान 76 हजार रुपयांचे चार मोबायल फोन जप्त केले. ही कारवाय पुरिसांनी मंगळारा केली. दुबाविताक न्यायालयांत हाजीर केलो तेन्ना ताका तीन दिसांची पुलीस कोठडी फर्मायली.
मडगांव रेल्वे स्टेशनाच्या वाठारांत दुबावीत तरेन भोंवतना दिशिल्ल्यान कोंकण रेल्वे पुलिसांनी शानवाज बेपारी हाका अटक केल्ली. कोंकण रेल्वे पुलिसांनी दुबाविताची चवकशी केली तेन्ना ताचे कडेन चोरयेचे चार मोबायल सांपडले. बाजारांत ह्या मोबायलांचें मोल 76 हजार इतलें जाता. पुलीस निरिक्षक सुनील गुडलर हांच्या मार्गदर्शना खाला कोंकण रेल्वे पुलीस ह्या प्रकरणांत फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
