भांगरभूंय | प्रतिनिधी
भांगरभूंय । खबरां मेज
पणजी : चोडणांच्या उझुर्बा टेक्नोलाॅजीस वतीन एकोडी कोंकणी गायन सर्त आयोजीत केल्या. भुरगीं १६ वर्सां सकयल, जाण्टे ६० वर्सां वयर आनी सादारण अशा तीन गटांत ती जातली. पयल्या १० गायकांक मेळून ४० हजार रुपयांचीं इनामां दितले. हालींच जाल्ल्या कोंकणी गीतलेखन सर्तींतलीं कांतारां हे सर्तींत गावपाक मेळटलीं.
गायकान https://kwm.vangdda.org/lyrics वेबसायटीचेर वचून जाय तितलीं पदां वेंचून काडचीं. तीं गायतनाचे व्हिडियो तयार करचे. पूण तो करतना कृत्रिम वाॅयस एन्हेसमेंट वा सावंड इफेक्टा बगर करचो. आपल्या फेसबूक वा युट्यूब वा इन्स्टाचेर तो घालचो आनी तातूंतले फक्त पांच व्हिडियो आमच्या गुगल फाॅर्माचेर (https://kwm.vangdda.org/SingReg) नोंद करचे. 10 फेब्रुवारी ही निमणी तारीख आसा. हातूंतले 20 व्हिडियो आयोजक 17 फेब्रुवारी मेरेन वेंचून काडटले. ते उपांत्य आनी निमणे फेरये मेरेन पावतले. शेनवार 22 फेब्रुवारीक पणजे निमणी फेरी जातली.
चड म्हायती खातीर, व्हिन्सेंट पाॅल तोस्कानो (चोडण) हांचे कडेन 97654 10020 ह्या फोन क्रमांकाचेर वा [email protected] चेर संपर्क करचो, अशें आयोजकांनी कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
