भांगरभूंय | प्रतिनिधी
आतांचे पिळगेक असलीं उतरां आनी गजाली मातूय खबर नासता. ही ‘चिन्नी मूंय’ काणी भुरग्यांक वाचतना खूब कितें शिकपाक मेळटलें.
हालींच हांवें आमचे शाळेच्या वाचनालयांत एक पुस्तक वाचलें. बालसहित्याचें. ह्या पुस्तकाचें नांव ‘चिन्नी मूय’. हो काणयां झेलो लेखिका नयना आडारकार हांणी बरयला. लेखिकेन आपल्या मनोगतांत म्हणलां, कशे तरेन लेखिका ल्हान पिरायेंत आजये कडल्यान काणयो आयकताली. त्योच काणयो आपूण आपल्या भुरग्यांक सांगपाक लागलीं. चिन्नी मूंय, आस नडली, भोली बोकडी, फाटी वयलो बोटवो, दिसूंक लहान परी मोठे काम, दिता दिता घे, तकलेंतले फातर, हुपूची करामत, हंही चंदाबाबू रॉनक आनी सिमाची काणी अश्यो काणयो आसात. सिमाची शाळा वपाची तळमळ, पिटकूची आनी धोडयाऱ्याची काणी, हुपूची करामत – माकडाची करामत, मनशाचीं भुरगीं पिकनिकेक वतात तांकां हुपून पळयली.
म्हाका सगळ्यात चड आवडिल्ली काणी म्हळ्यार ‘चिन्नी मूय’. हे काणयेंत खूब बरे संवाद आसात . “चिन्नी मूंय खुसखूसू हांसताली “. चिन्नी मुयेक ताची आवय बरी समजावन सांगता की जिवितांत आमी पडून पडून शिकतात. भंयान झाडार चडपाचें सोडप ना: मम्मी चिन्नीचें उलोवप हे काणयेंत वाचतना “आवय- भुरगे हें मानवी नातें जाणवता. हे काणयेंत रोयणीचो उल्लेख वाचपाक मेळटा, एका ल्हान भुरगयाक “रोयण” म्हणजे कितें असो प्रस्न ही काणी वाचतना पडटलो ” आतांचे पिळगेक असलीं उतरां आनी गजाली मातूय खबर नासता. ही ‘चिन्नी मूंय’ काणी भुरग्यांक वाचतना खूब कितें शिकपाक मेळटलें. ल्हान भुरग्यांक निसरगुंडी खूब आवडटा. ही काणी वाचतना भुरग्यांक खूब मजा येतली .
“चिन्नी मूंय” ह्या पुस्तकान कोंकणी बालसहित्यांत बरी भर घाल्या.
कात्यायणी घाटवळ
9975293808
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
