भांगरभूंय | प्रतिनिधी
पणजी: हालींच जाहीर जाल्ल्या गोंय माध्यमीक आनी उच्च माध्यमीक मंडळाच्या बारावेचे परीक्षेंत दाबोळेच्या केशव स्मृती उच्च माध्यमीक विद्यालयाच्या कला फांट्याचो 98 टक्के, वाणिज्य 94 टक्के जाल्यार वेवसायीक फांट्याचो निकाल 100 टक्के लागलो.
ह्या विद्यालयांतल्यान वट्ट 123 विद्यार्थी परीक्षेक बशिल्ले. तांतले 26 विद्यार्थी विशेश श्रेणींत, 30 विद्यार्थी पयले श्रेणींत, 56 विद्यार्थी दुसरे, जाल्यार 7 विद्यार्थी पास श्रेणींत पास जाले. हें विद्यालय मुरगांव म्हालांत दुसरें आयलां.
किरण अर्जून राठोड आनी आयशा हवालदार हे दोनूय विद्यार्थी 83 टक्के गूण मेळोवन वाणिज्य फाट्यांत पयले आयल्यात. जाल्यार वेवसायीक फाट्यांत लेस्टन डिसौजा हाका 88.12 टक्के गूण मेळोवन पयलो आयलो. कला फाट्यांत सलोमी पत्रा ही विद्यार्थिनी 79 टक्के गुणांनी पयली आयली.
विद्यालयाचे वेवस्थापक पांडुरंग कोरगांवकार, केशव स्मृती शाळेची मुख्याध्यापिका सुषमा कोरगांवकर, पालक शिक्षक संघ हांणी प्राचार्य शंकर गांवकार आनी शिक्षक वर्ग, शिक्षकेत्तर कर्मचारी आनी विद्यार्थ्यांक परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
