भांगरभूंय | प्रतिनिधी
भांगरभूंय । प्रतिनिधी
दिवचलः श्री केळबाय खेळ आनी सांस्कृतीक संघाचें उक्तावण संवसारीक बायलां दिसा जालें. ह्या वेळार प्रा रिटा डिसा मुखेल सोयरी म्हणून हाजीर आशिल्ली. मुळगांवची पंच वांगडी मानसी कवठणकार, सुवासिनी गोवेकार, आंगणवाडी शिक्षिका वर्षा वजरकार, हेरंब आम मजत पंगडाची अध्यक्ष स्मिता गाड, पुष्पा गाड, स्मिता गाड माचयेर आशिल्ली.
कार्यावळीची सुरवात ऋतुजा स्कूल अकादमीच्या विद्यार्थ्यांच्या गणेश स्तुती ह्या नाचान जाली. उपरांत स्नेहा डान्स अकादमीच्या मलिष्का बिचोलकार आनी मैथिली पालकारान गणेश वंदना नाच केलो. ऋतुजा गांवस हिणे पांडुरंग विठ्ठला ह्या अभंगाचेर नाच सादर केलो. उपरांत दिवली पेटोवन श्री केळबाय खेळ आनी सांस्कृतीक संघाचे उक्तावण केलें. स्मिता गाड हिणे येवकार दिवंन प्रास्तावीक केलें. ह्या संघाची अध्यक्ष म्हणून स्मिता गाड हिका वेंचून काडलां. सचीव म्हणून आकाश मोरजकार, भांडारी म्हणून पराग गाड काम पळयतलो.
सोयऱ्यांची वळख अंकिता सराफान केलें. प्रा. रिटा दिसान बायलांची सोशळ मीडिया आनी पालकांची जापसालदार ह्या विशयाचेर प्रबोधन केलें. बायल दिसा निमतान वेगवेगळ्या सर्ती आयोजीत केल्ल्यो. कार्यावळी मजगतीं लोक संस्कृती राखण आनी संवर्धन करपी रुपाली गोपाळ परब, द्वारकी साजुलो राऊत, माधवी महादेव मोरजकार हांचो भोवमान केलो.. निमाणे शिवकन्या ग्रुपान नाच सादर केलो. सूत्रसंचालन इंदू परबान केलें.
—————————————————————–
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
