भांगरभूंय | प्रतिनिधी
पणजी ः पेडणें तालुक्यांतल्या केरी दर्यादेगेर परवानो नासतना पॅराग्लायडींग करपी महाराष्ट्रांतल्या 8 जाणांक तेरेखोल दर्यादेग सुरक्षा पुलिसांनी ताब्यांत घेतले. ही घडणूक शेनवारा, 22 मार्चाक दनपारां 12 वरांचेर घडली. तांकां तांब्यांत घेवन तांचे कडल्यान सामान जप्त केलां. हे प्रकरणांत तेरेखोल दर्यादेग सुरक्षा पुलीस स्टेशनाचे निरिक्षक विक्रम नायक आनी तांच्या फुडारपणा खाला पुलीस कर्मचाऱ्यांनी ही कारवाय केली. तशेंच ही गजाल पर्यटन खात्या कडेन हस्तांतरीत केल्या.
सध्याचे चालू पर्यटन हंगामाचे सुरवेक घडिल्ल्या कांय अप्रिय घडणुकांक लागून राज्यांत परवानो नासतना पॅराग्लायडींग सारकें प्रकार घडोवन हाडपाचेर कांय निर्बंध घाल्ले. मजगतीं, पर्यटन खात्यान थारायिल्ल्या नेमांक पाळो दिनासतना अशें प्रकार चालूच आसा.
मजगतीं, दोन म्हयन्या आदीं 17 जानेवारीक केरी दर्यादेगे वयल्या दोंगरा वयल्यान पॅराग्लायडींग करतना पुणेची शिवानी दाभाळे (26) आनी त्या पॅराग्लायडींगचो पायलट सुमन नेपाळी (25) ह्या दोगांक मरण आयिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
