भांगरभूंय | प्रतिनिधी
वाळपयः उटंगराच्या पावसाक लागून सत्तरी म्हालांतली लोकजीण विस्कळीत जाल्या. केरीच्या घोटेली नं. 2 वाठारांत आशिल्लो पूल सुमार देड वर उदका पोंदा आशिल्लो. ताका लागून ह्या पुला वयली येरादारी आडखळ्ळी. सुमार देड वरा उपरांत उदकाची पातळी देंवली आनी येरादारी परतून चालू जाली.
मेळिल्ले म्हायती प्रमाण केरी वाठारांतल्या दोंगराळ वाठारांत व्हड प्रमाणांत पावस पडटा. ताका लागून व्हाळवाट न्हंयेच्या उदकाची पातळी वाडल्या. दनपारां 2 वरांच्या सुमाराक उदकाची पातळी सुमारा भायर वाडली. ताका लागून हो पूल उदका पोंदा गेलो आनी दोनूय वटांतल्यो गाडयो आडकून उरल्यो. ह्या वाठारांतल्या लोकांनी दिल्ले म्हायती प्रमाण दर वर्सा हे न्हंयेच्या उदकाची पातळी वाडटा आनी हो पूल उदका पोंदा वता. ताका लागून ह्या पुलाची उंचाय वाडोवची वा नवो पूल बांदचो अशी लोकांनी मागणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.