भांगरभूंय | प्रतिनिधी
हरमल: केरीच्या ग्रामदेव श्री रवळनाथ देवस्थान ट्रस्टाच्या श्री देव रवळनाथ मंदीर आनी मुर्ती प्रतिश्ठापनेचो 5 वो वर्धापन दीस सुवाळो उमेदीन मनयलो.
ह्या निमतान सकाळीं धर्मीक विधी, आरती, तिर्थप्रासाद, म्हाप्रसाद जातलो. सांजेवेळार गायक महेंद्र नार्वेंकार आनी अर्चना कामुलकार हांच्या गायनाची कार्यावळ जाली. न्यू इंग्लीश हायस्कुलाच्या विध्यार्थ्यांचें संगीत ’सुवर्णतुला’ नाटक जालें. दुसर्या दिसा धर्मीक विधी, आरती, तिर्थप्रासाद, म्हाप्रसाद आनी थळाव्या हौशी नाट्यमंडळा वतीन ईतिहासीक ’गरुडझेप’ नाटक सादर केलें.
24 एप्रीलाक सांजेच्या 7 वरांचेर सवायशिणींचो दिवजोत्सव मनयलो. उपरांत रातच्या 9 वरांचेर दुर्वांकुर कला केंद्र, हरमल वतीन ईतिहासीक ’इथे ओशाळला मृत्यू’ नाटक सादर केलें. ह्या उत्सवांत देणगीदार, भाविकांनी हाजीर रावन श्रींचो आशिर्वाद घेतलो. ह्या वेळार श्री देवस्थान ट्रस्टाचें संचालक मंडळ आनी मानकरी मंडळाच्या वांगड्यांनी हो सुवाळो येसस्वी जावपाक मेहनत घेतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
