भांगरभूंय | प्रतिनिधी
कोची, खबरां संस्था: स्वर्णम्मा (63) कोट्टायम शारांत रावता. ती विधवा. आयुश्यभर ती भाड्याच्या घरांत रावताली. एक दीस जिल्लो प्रशासनाचो एक पंगड तिच्या घरा आयलो. तिका 10 लाख रुपया दिले जाका लागून ती बांदपाक शकतली आनी पयशेय वाटावपाक शकतली. स्वर्णम्मान 6 लाख रुपयांक 3 एकर (1306 चौखण फूट) जमीन विकत घेतली. आतां हे जमनीर घर बांदपाचें काम सुरू आसा. स्वर्णम्मा प्रमाण केरळांतल्या 64 हजार कुटुंबांतले 1.03 लाख लोक गरिबींत रावताले. आतां तांचें जिवीत बदललां.
सरकार आनी समाजाच्या एकवटाक लागून केरळ परतून एक फावट राष्ट्रां खातीर आदर्श जावपाक सज्ज आसा. राज्यान सामकी गरिबी ना केल्या. हें अधिकृतपणान 1 नोव्हेंबराक जाहीर जातली. हाचे वांगडा केरळ हें देशांत आनी दक्षिण आशियांतलें पयलें राज्य जातलें, जाणीं हें करून दाखयलां.
मुख्यमंत्री पिनारायी विजयन हांच्या मतान,जोड राष्ट्रांच्या मतान, जांचें दिसपट्टें उत्पन्न 158 रुपयां परस उणें आसा ते सामके गरीबांचे श्रेणीत येतात. केरळान हाचो विस्तार करून जेवण, उत्पन्न, भलायकी आनी घर हांचो आसपाव केला. हाका मानवी प्रतिश्ठा अशें म्हणलें. ह्या यत्नांत समाजीक संस्थांनी बरेच फाटबळ दाखयलें.
73,000 सुक्ष्म येवजण्यो तयार केल्यो आनी तांचे गरजे प्रमाण तांकां मजत केली. हाचेर खरपणान लक्ष दवरलें. दरेका पयशाचो आनी देणगेचो हिशेब दवरलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
