भांगरभूंय | प्रतिनिधी
भारतीय रिझर्व्ह बँकेचो अहवाल जारी
नवी दिल्ली, खबरां संस्था : केरळांत बांदकाम मानायांचो दिसवडो देशांत सगळ्यांत चड आसा. थंय बांदकाम करपी मानायाक ८५२ रुपया दिसवडो मेळटा. तामिळनाडू दुसर्या क्रमांकाचेर आसा. थंय ५०० रुपया दिसवडो मेळटा. उत्तर भारतांत ही रक्कम फकत एक तृतीयांश आसा. मध्य प्रदेशांत २७८ रु., गुजरातांत ३२३ रु., महाराष्ट् ३७१ रु., राजस्थान ३९३ रु., यूपी ३५२ रु. आनी बिहारांत ३४२ रु. दिसवडो आसा. आरबीआयच्या वर्सुकी हँडबुकच्या अंकांत हे विशीं म्हायती मेळ्ळ्या.
शेत मानायांचो दिसवडो केरळांत सगळ्यांत चड रुपया ७६४ आसा. मध्य प्रदेशांत सगळ्यांत उणो रु. २२९ आसा. केरळांत २०२१-२२ चे तुळेंत २०२२-२३ त बांदकाम मानायांचो दिसवडो १५ रुपयांनी वाडला. जाल्यार मध्य प्रदेशांत फक्त १२ रुपयांनी वाडला. राजस्थानांत बांदकाम मानायाचो दिसवडो राष्ट्रीय सरासरी इतलो आसा. देशांतल्या ११ राज्यांतल्या कामगारांचें उत्पन्न राष्ट्रीय सरासरी परस उणें आसा. देशांत वट्ट २,४६,५०४ कारखाने आसात. तामिळनाडूंत सगळ्यांत चड ३८,८३७ जाल्यार गुजरात दुसर्या क्रमांकाचेर आशिल्ल्यान थंय २८,४७९ कारखाने आसात. २५,६१० महाराष्ट्र तिसर्या क्रमांकाचेर आसा. युपींत १६,१८४, पंजाब १३,०९२ आनी कर्नाटकांत १४,१६९ कारखाने आसात.
सकल देशी उत्पादनांत दिल्लीचो क्रमांक पयलो
एका वर्सांत देशांतल्या सकल उत्पादनांत सगळ्यांत चड वाड दिल्लीक जाल्या. हांगा वर्सभरांत राज्यांचें देशां खाला दरडोई उत्पादन १९ हजार रुपयांनी वाडलां. प्री- कोवीड म्हळ्यार २०१९-२० त २,६०,५५९ चो पांवड्या हुपला. सिक्कीम दुसर्या क्रमांकाचेर आसा, जंय फाटल्या वर्सा १३.५ हजार रुपया प्रतिव्यक्ती उत्पन्नांत वाड जाल्या.
अन्नधान्य उत्पादनः मध्य प्रदेश पंजाब, राजस्थानांत वाड
एका वर्सांत देशांल्या अन्नधान्य उत्पादनांत ४.७% वाड. २०२१- २२ त ३,१५,६१५ हजार टनांचे तुळेंत, २०२२-२३ त उत्पादन ३,३०,५३४ हजार टन आशिल्लें. पूण बिहार, गुजरात, हिमाचल आनी झारखंडांत हाचो आंकडो देंवला. झारखंडांत सगळ्यांत चड ४०%, मध्य प्रदेशांत १३.५%, पंजाब ६.६%, राजस्थान ८.१%, महाराष्ट्र ३.५% त उत्पादनां वाड जाल्या.
उत्पादन वाठार : उत्तर प्रदेश मुखार
देशांतल्या सगळ्या राज्यांनी उत्पादन वाठारांत वाड जाल्या. उत्तर प्रदेश सगळ्यांत मुखार आसा. हांगा १५.५% ची वाड जाल्या. उत्तराखंडांत ती ९.२% आशिल्ली जाल्यार हरियाणांत ५.८% आशिल्ली. ही वाड छत्तीसगडांत ३.४१%, मध्य प्रदेशांत ५.२१% आनी राजस्थानांत ४.९८% आशिल्ली. गुजरात, महाराष्ट्र आनी चंडिगडाचो डेटा उपलब्ध ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
