भांगरभूंय | प्रतिनिधी
कोची, खबरां संस्था ः केरळांतले एके 18 वर्सां पिरायेचे चलयेन फाटल्या 5 वर्सांत 64 जाणांनी तिचेर लैंगीक अत्याचार केला असो दावो केलो. भेटी वेळार एक एनजीओ चलयेच्या घरा पावली तेन्ना ही गजाल उजवाडाक आयली.
ही गजाल उजवाडाक आयले उपरांत बाल कल्याण समितीन (CWC) पथनामथिट्टा पुलिशेंत कागाळ केली. समितीन चलयेचे मानसशास्त्रज्ञा कडल्यान समुपदेशन केलें. ते वेळार तिणें सांगलें, जेन्ना ती 13 वर्सां पिरायेची आसली तेन्ना तिच्या एका शेजाऱ्यान पयलेच खेपे तिका पॉर्न व्हिडिओ दाखोवन तिचेर अत्याचार केलो. आतां ती चली 18 वर्सां पिरायेची आसा. शाळेच्या दिसांनी खेळांत वांटो घेताली ते वेळार प्रशिक्षण घेतना तिचेर जायते फावट लैंगीक अत्याचार जाले. ताचे कांय व्हिडियोय व्हायरल जाल्ले अशें त्या चलयेन समुपदेशना वेळार सांगलें.
ह्या प्रकरणा विशीं बाल कल्याण समितीन पथनामथिट्टा पुलिशेंत कागाळ केल्या उपरांत पुलिसांनी एफआयआर नोंद करून सुमार 10 जाणांक ताब्यांत घेतल्यात. तांची फुडली चवकशी पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
