भांगरभूंय | प्रतिनिधी
भांगरभूंय । प्रतिनिधी
केंपेंः केंपेंचो आमदार एल्टन डिकॉस्ता हांचो भाव आनी आदलो सरपंच साजिल डिकॉस्ता हांका फातर्पें पंचायतीच्या वॉर्ड दोनांत आदली सरपंच आनी भाजपाची राज्य सचीव मेदिनी नायक हिणे हारीचो धपको दिलो. मतदारसंघांतल्या खोला, बार्शें, फातर्पें आनी अवडें- कोठंबी पंचायतीचेर आदलो उपमुख्यमंत्री बाबू कवळेकार हांचे जाल्यार कावरें- पिर्ला पंचायतीचेर समाज कल्याण मंत्री सुभाष फळदेसाय हाचें सातांतले स समर्थक वेंचून आयल्यात. मोरपिर्ला पंचायतींत आपले समर्थक वेंचून आयल्यात असो दावो आमदार एल्टन डिकॉस्ता हांणी केला.
असोल्डें पंचायतींत भाजपा समर्थक वेंचून आय़िल्ल्या बांदकाम मंत्री नीलेश काब्राल हाचें थंय वर्चस्व प्रस्थापीत जालां.
असोल्डा पचायतीत भाजप सत्ता कायम करत मंत्री निलेश काब्राल याचा दबदबा कायम राहिला. आदलो आमदार प्रसाद गांवकार हांच्या मळकर्णे पंचायतींत भाजपा विरोधकांनी सत्तारूढ जावपाचो दावो केला. कुंकळ्ळी मतदारसंघात आशिल्ल्या आंबावली पंचायतींत सातांतल्या चार वॉर्डांत भाजप समर्थक वेंचून आयल्यात असो भाजपाचो दावो आसा.
मोरपिर्ला पंचायतींत आदलो जिल्हो पंचायत वांगडी प्रकाश अर्जून वेळीप, केंपें भाजपा मंडळ अध्यक्ष संजय वेळीप, भाजपा राज्य एसटी मोर्चा अध्यक्ष प्रभाकर गांवकार, केपें भाजपा महिला मोर्चा अध्यक्ष शीतल नायक वेंचून आयल्या. असोल्डें पंचायतीत आदली जिल्हो पंचायत वांगडी हेजर फर्नांडीस आनी तिचो घरकार वेंचून आयला. शेल्डें पंचायतींत आदलो मंत्री डॉम्निक फर्नांडीस हाचो पूत जोहान फर्नांडीस वेंचून आयला.
बाळ्ळी पंचायत वेंचणुकेंत राजकारणात परत सक्रिय जावपाक पळोवपी रोहिदास नायक हांका हारीचो धपको बसला. आंबावलीच्या 4 नंबराच्या वॉर्डांतल्यान आदलो सरपंच सर्गेस्त प्रकाश गांवकार हांची 22 वर्सा पिरायेची धूव प्रिती गांवकार वेंचून आयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
