भांगरभूंय | प्रतिनिधी
केपें, प्रतिनिधी: केपें नगर पालिकेंत आदले उपमुख्यमंत्री चद्रकांत कंवळेंकार हांचें वर्चस्व कायम. केपें नगर पालिकेंत भाजपची नगरसेविका दिपाली नायक हांची नगराध्यक्ष पदार विरोधा विणें निवड जाली.
केपें नगर पालिकेंत वट्ट १३ नगर सेवक आशिल्ल्यान तांतले ९ भाजप समर्थक जाल्यार ४ कॉग्रेस समर्थक वेंचून आयिल्ले. तशेंच अंदूंचें नगराध्यक्षपद बायलां खातीर राखीव आशिल्लें. ताक लागून भाजप गटांत दोन बायलो आशिल्ल्यान पयलीं तीन वर्सां सुचिता शिरवयकार ही नगराध्यक्ष जाली आनी तांणी आपल्या पदाचो राजिनामो दिलो. ताका लागून हो जागो रितो आशिल्ल्यान नगराध्यक्ष पदा खातीर भाजप गटांतल्यान दिपाली नायक हांचो एकूच अर्ज आयिल्लो. ताका लागून ती विरोधा विणें निवडून येतली हें कालूच कळिल्लें.
आयज दिपाली नायक केपें नगर पालिकेंतल्यान विरोध विणें निवडून आयिल्ल्यान केपें पालिकेंत
भाजपाचे उपाध्यक्ष आनी आदले उप मुख्यमंत्री चंद्रकांत कंवळेंकार हांचें वर्चस्व आशिल्ल्याचें परत एक फावट सिद्ध जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
