भांगरभूंय | प्रतिनिधी
जायत्या जाणांक संगीत शिकपाचें मनांत आसता, पूण वेळ म्हणटात तो मेळना वा इत्सा आसुनूय हें करपाक मेळना. हाचेर उपाय पुण्याच्या केदार भागवत हांणे सोदला. ताच्या ऑनलायन वर्गा भितर तो खात्रीन तुमी एखादें पद वाजोवं शकतात हें तो सांगता. हाचे खातीर आपल्या विद्यार्थ्यांचे दाखले यु ट्यूबार दिता. की- बोर्ड हें वाद्य खंय व्हरूंक मेळटा. सकाळीं स, सात, आठ, णव आनी 10 हो
वेळ ताणें दवरला. तो म्हणटा, सकाळचो वेळ हो शिकपा खातीर चड बरो. ताचो लाव तुमी घेवचो. सद्दां तो 40 मिनटां दरेका गटाक दिता. अभियांत्रिकीचें शिक्षण घेतिल्ल्या केदार हांकां ल्हानपणा सावन संगीत आनी कवितेची आवड. म्हणून तो आपूण जावन की- बोर्ड शिकलो.
थोडे आवड म्हूण वाजयतात. ते हौशी कलाकार, तर थोडे वेवसायीक म्हूण वाजयतात. कारण कितेंय आसलें तरी एक लक्षांत दवरचें की संगीत वाजोवप वा गावप हें तुमकां समाधान दिता. ही कला सगल्यांकूच जमता अशें ना. पूण जांकां जमता ते भाग्यवान. केदार भागवत हे शिक्षण चालू आसतना अद्वैत पटवर्धन आनी हेमंत गोडबोले हांचे कडेन शिकले. ते पश्चिमी धर्ते वयलें संगी आसलें. तशेंच सुरेश चिरमुले हांचे कडेन ते भारतीय संगीतूय शिकले. भागवत हांकां उषा मंगेशकर, अरुण दाते, रवींद्र साठे, अनुराधा पौंडवाल हांचे सारक्या गायां वांगडा सिंथेसायजर वाजोवपाक मेळ्ळो. हातूंत हिंदीं, मराठी पदां आशिल्लींच, खेरीज राॅक फ्यूजन संगीताचोय आसपाव आसलो.
संगीत अॅरेंजर म्हूण तांणी शंकर महादेवन, हरिहरन, शान, कुणाल गांजावाला, संजीव अभ्यंकर, देवकी पंडित हांचे सारक्या गायकां वांगडा संगीत अल्बम करपाचो वावर केला. कितें तरी नवें करपाचें हें भागवत हांचें खाशेलेंपण. इलेक्ट्राॅनिक्स अभियांत्रिकीचें शिक्षण घेतिल्ल्यान तांकां ह्या तंत्रज्ञानाची पुराय म्हायती आसा. जर शिकतना तुमचे कडेन वाद्य नासत जाल्यार हुस्को करूं नाकात. तुमी पियोना, पेटी, केसियो म्युझिकल की- बोर्ड घेवन शिकूं शकतात. जर हें नासत जाल्यार आयपॅड टेब वापरून शिकू शकतात. पूण ताचे खातीर तुमकां अॅप डावनलोड करचें पडटलें. ह्या वर्गांत खंयचेय पिरायेचो मनीस प्रवेश घेवपाक शकता. आतां मेरेन 35 हजार भुरग्यांनी, संगीतमोगींनी भागवत हांच्या संगीत अकादमीचो लाव घेतला.
kedar bhagvat music academy यु ट्यूबाचेर पळोवपाक मेळटा. तें चॅनल पळोवन मागीरूच निर्णय घेवचो. तुमकां भारतीय आनी पाश्चात्य संगीत खोलायेन शिकपाक मेळटलें. खेरीज सिंथसायसराची रचणूक. दोनूय हातांचो वापर कसो करूं येता, हें शिकपाक मेळटलें. उण्या दिसांनी भागवत शिकोवपाचो यत्न करतात आनी खाशेली गजाल म्हणल्यार एका गटांत ते स विद्यार्थीच घेतात. सकाळ सारके सांजवेळा 5 ते 11 मेरेन ते ट्यूशन वर्ग घेतात. www.kedarbhagwat.com ही वेबसायट, ई मेल [email protected] वा 8329674894 हाचेर भागवत सरा कडेन तुमी संपर्क करपाक शकतात.
ते म्हणटात, ऑनलायन शिक्षण कोणाकूय आसा थंयच्यान, फावता तो वेळ घेवन शिकपाक मेळटा. तुमकां शिकपा खातीर खंय वचूंक जाय अशें ना. फकत तुमची इत्सा जाय आनी ताळो बरो आसूंक जाय अशें ना. पूण बोटां मात बरीं चलपाक जाय. हाका मार्गदर्शन म्हणटात. हांव तें करतलों. ताचो लाव तुमकां फुडाराक नक्कीच जातलो. तुमी मागीर संगीत स्वताच्या समाधाना खातीर वाजयात वा वेवसायीक म्हूण संगीताचे कार्यावळींत वाजयात. पिराय जाली काय एखाद्याचो ताळो इबाडूंक शकता. पूण हाताचें तशें ना. तेन्ना तुमी केदार अकादमीचे केदार भागवत हांचे कडेन संपर्क करात आनी की- बोर्ड शिकात. वेवसायीक कलाकार जायात वा समाधाना खातीर शिकात.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
