भांगरभूंय | प्रतिनिधी
नवी दिल्ली, खबरां संस्था: दिल्लीचे मुख्यमंत्री अरविंद केजरीवाल हांकां स दीस पयलीं अटक केली. उपरांत तांकां मुख्यमंत्रिपदा वयल्यान काडपाची याचिका दिल्ली उच्च न्यायालयांत दाखल केल्ली. जी भायर मारल्या. तशेंच केजरिवाल हांकां आनीक चार दिसांची ईडीची बंदखण फर्मायल्या. १ एप्रील मेरेन केजरिवाल ईडीचे सुवादीन आसतले, असोय आदेश दिल्लीच्या उच्च न्यायालयान दिला.
सोरो धोरण घोटाळो प्रकरणांत केजरीवाल हांकां अटक जाली. ईडीन तांकां णव फावटीं समन्स धाडिल्लो. ते ईडी कार्यालयांत वचनाशिल्ले. उपरांत २१ मार्चाक तांकां अटक केली.
फाटल्या कितल्याशाच दिसां सावन ईडी केजरीवाल हांची चवकशी करताले. तशेंच तांकां चवकशे खातीर कार्यालयांत आपयतालें. वट्ट ९ खेपो समन्स धाडलो. मात ते ईडी कार्यालयांत वचनासतना रावले. तांकां अटक जातली ही खात्री आशिल्ली. ताका लागून अटक जावचे पयलीं अटकपूर्व जामीना खातीर ते दिल्ली उच्च न्यायालयांत गेले. हाचे मजगतीं केजरिवाल हांकां मुख्यमंत्रिपदा वयल्यान काडपाची याचिका दिल्ली उच्च न्यायालयांत दाखल केल्ली. ती भायर मारल्या.
मजगतीं, दिल्लीचे मुख्यमंत्री अरविंद केजरीवाल हांका आजून ४ दीस ईडीची बंदखण दिवची, असो आदेश उच्च न्यायालयान दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
