भांगरभूंय | प्रतिनिधी
हालीं लोकांचे केंस वेळा पयलींच धवे जावपाक लागल्यात. ही समस्या सोडोवपा खातीर जायते लोक केंस काळे करपाक रंग लायतात आनी हाका लागून तांचे केंस तुटपाचीय समस्या निर्माण जाता.
जर तुमी हे परिस्थितीक तोंड दितात जाल्यार हें घरगुती वखद तुमचे खातीर. केंस काळे, घट आनी बरे उरचे खातीर आमी घरगुती उपचारांचो वापर करपाक शकतात. घरगुती उपचार सवाय तशें सैमीक आसता. हातूंत तुमकां खंय वचपाची गरज ना. तुमचे रांदचे कुडींतलेंच सामान तुमच्या केंसांक फायद्याचें थारतलें. हें वखद तयार करपाक तुमकां फकत 2 गजाली वापरच्यो पडटल्यो.
च्याचीं पानां आनी आल्याचे कुडके ह्यो दोनूय गजाली सामक्यो सैमीक. हाचो वापर केल्यार तुमकां कसलेच तरेचे वायट परिणामूय जावचे ना. हें वखद तयार करपाक एका आयदणान उदक घालून तें गरम करचें. उपरांत तातूंत च्याचीं पानां आनी आलें घालचें. उपरांत तें बरें उकडून घेवचें. ह्यो दोनूय गजाली सुमार 20 मिनटां तरी उकडपाची गरज आसा. उपरांत हें उदक थंय जावपाक दवरचें. च्याचीं पानां आनी आलें घालून केल्लें हें उदक थंय जाले उपरांत एके बाटलेंत गाळून घेवचें. उपरांत केंस धुवपाच्या 2 वरां पयलीं हें उदक केंसांक लावचें. उपरांत केंस बरे धुवचे. हो उपाय करून पळोवचो. तुमकां ह्या वखदाचो नक्की फायदो जातलो.
आल्यांत दाहक-विरोधी आनी अँटी-बॅक्टेरियल गुणधर्म आसतात. हाका लागून ताळयेचें ब्लड सर्कुलेशन वाडटा. हाका लागून नवे केंस वाडपाक मजत जाता. तशेंच आलें केंसांतलो डँड्रफ आनी खाज उणी करता. तशेंच केंस मुळा पसून घटमूट करपाचें काम करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
