भांगरभूंय | प्रतिनिधी
ज्येश्ठ स्वातंत्र्यसैनीक लिबीया लोबो सरदेसाय हांकां पद्मश्री, गोंय मुक्तीलड्यांत म्हत्वाचीं भुमिकानवी दिल्लीः केंद्र सरकारान 2025 खातीर पद्म पुरस्कारांची पयली वळेरी जाहीर केल्या. गोंयची ज्येश्ठ स्वातंत्र्यसैनीक लिबीया लोबो सरदेसाय (100) हांकां पद्मश्री पुरस्कार जाहीर जाला.
ब्राझिलांतले हिंदू अध्यात्मीक फुडारी जोनासा मासेटी हांकां तशेंच भारतीय दायजाचेर बरोवपी ह्यूज आनी काॅलीन गॅन्झेर ह्या जोडप्याकूय पद्मश्री पुरस्कार जाहीर जाल्यात.
भक्तीगीत गायक भैरुसिंह चौहान, पत्रकार भीम सिंह भावेश, कादंबरीकार जगदीश जोशीले, कॅन्सर विशीं जाग्रुताय करपी नीरजा भाटला, कुवेटाचे योगा प्रशिक्षक शैखा ए जे सबाह हांकांय पद्मश्री किताब दिला. विविध मळा वयल्या मानेस्तांक पद्मविभूषण, पद्मभूषण आनी पद्मश्री किताब भेटयतात.
ह्यूज आनी काॅलिन गॅन्झेर ह्या जोडप्यान भारतीय दायज, संस्कृती, इतिहासाचेर तीन हजारां वयर लेख, 30 पुस्तकां बरयल्यांत. जोनास मासेटी हे देड लाखां वयर विद्यार्थ्यांक भगवद्गीता, वेदांचेर शिक्षण दितात. मराठी साहित्यीक मारुती चित्तमपल्ली हांकांय पद्मश्री जाहीर जाल्या.
पद्मश्री मेळिल्ले मानेस्त नरेंद्र सुरंग, वेंकप्पा अंबाजी सुगातेकर (लोकगायक), एल हँगथींग (नागालँड), अरेन गुरुंग (सिक्कीम), विलास डांगरे (महाराष्ट्र), निर्मला देवी (बिहार), राधा बहीन भट्ट (उत्तराखंड), सुरेश सोनी (गुजरात), पंडीप राम महादेवी (छत्तीसगड), हरविंदर सिंह (पॅरा आॅलिंपिक्सांत भांगरा पदक जिखपी, हरयाणा), सेलीळकर (मध्य प्रदेश), हरिमन शर्मा (अॅपलाची जात तयार करपी, आसाम), भीमसिंह भावेश (मुसाहर समाजा खातीर वावुरपी).
पद्म भूशणः मनोहर जोशी (मरणोत्तर) भौशीक वेव्हार महाराष्ट्र, पंकज उधास (मरणोत्तर) कला महाराष्ट्र, शेखर कपूर (कला महाराष्ट्र).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
