भांगरभूंय | प्रतिनिधी
नवी दिल्ली, खबरां संस्था ः केंद्रीय मंत्रीमंडळान केंद्र सरकाराचो म्हारगाय भत्तो (Dearness Allowance (DA)) दोन टक्क्यांनी वाडयला. हे नवे सुदारणेक लागून आतां डियरनेस भत्तो 53 टक्क्यां वयल्यान 55 टक्क्यां मेरेन वाडटलो. जाका लागून कर्मचाऱ्यांचो पगारूय वाडटलो. निमाणी वाड जुलय 2024 वर्सा जाल्ली. तेन्ना डियरनेस भत्तो 50 टक्क्यां वयल्यान 53 टक्क्यां मेरेन वाडिल्लो.
वाडत वचपी म्हारगायेचो सामनो करपा खातीर केंद्र सरकाराच्या कर्मचाऱ्यांक डियरनेस भत्तो (DA) दितात. जिणेचो खर्च वाडत वता तसो पगाराचे मोल उणें जावचें न्हय हे खातीर हो भत्तो दितात. दर धा वर्सांनी कर्मचाऱ्यांचो मुळावो पगार वेतन आयोग वाडयता. पूण डीए मात वेळो वेळार वाडटा.
डियरनेस भत्तोचो फायदो कोणाक?
० केंद्र सरकारचें कर्मचारी
० पेन्शनधारक
० पेन्शन धारका उपरांत निंबून आशिल्ली व्यक्ती
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
