भांगरभूंय | प्रतिनिधी
नवी दिल्ली, खबरां संस्था : गुंतवणुकेच्या नांवा खाला भारतीयाक लक्ष्य करपी शंभरां परस चड चिनी वेबसायटींचेर केंद्र सरकारान बंदी घाल्या. ह्यो वेबसायटी लोकांक अर्थीक नदरेन फटयताल्यो.
केंद्रीय गृहमंत्रालयान इलेक्ट्रॉनिक्स आनी म्हायती तंत्रज्ञान मंत्रालयाक पत्र धाडून ह्यो वेबसायटी रोखड्योच ब्लॉक करच्यो अशे निर्देश दिले. चिनी गुंतवणूक घोटाळो करपी वेबसायटी आड मोदी सरकारान व्हड कारवाय करपाचो निर्णय घेतलो.
देशाचे अर्थवेवस्थेक लुकसाण करपी वेबसायटींचेर कारवाय करची, अशी मागणी खुबश्या राज्यांनी केली. ताका लागून ह्या राज्यांनी केंद्र सरकाराक पत्र धाडिल्लें. कारवाये पसून वाटावपा खातीर ह्यो वेबसायटी एका खात्यांतल्यान दुसर्या खात्यांत पयशे ट्रान्सफर करता. उपरांत हो ब्लॅक मनीक क्रिप्टो करन्सींत बदलता, असो आरोप आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
