भांगरभूंय | प्रतिनिधी
दोना पावला विकसीत संकल्प यात्रेक येवकार
पणजी, प्रतिनिधी: केंद्रीय येवजणेचो लाव घेवपाक आतां गोंयकारूय फाटीं नात. केंद्रीय येवजणेचो प्रसार जावन चडान चड लोकांक लाव जावचो हो विकसीत भारत संकल्प यात्रेचो हेत आसा, अशें शार उदरगत मंत्री विश्वजीत राणे हांणी सांगलें.
दोना पावल हांगा विकसीत भारत संकल्प यात्रेक मंत्री विश्वजीत राणे हांणी बावटो दाखोवन येवकार दिलो. ह्या वेळार शार उदरगत संचालक गुरुदास पिळर्णकार आनी हेर अधिकारी हाजीर आशिल्ले.
प्रधानमंत्री नरेंद्र मोदी हांच्या कार्यकाळांत समाजाच्या दरेका घटका खातीर कल्याणकारी येवजण्यो सुरु जाल्यात. हाका लागून सामान्यांचे जिणेंत बदल घडपाक लागला अशें राणे हांणी सांगलें.
राज्यांत ११ हजार शेतकारांक किसान सन्मान येवजणेचो लाव जाला. ९ हजार शेतकारां कडेन किसान क्रेडीट कार्ड आसा. प्रधानमंत्री आवास येवजणेचो ३ हजार लोकांक लाव जाला. अटल पेंशन येवजणे खाला ८६ हजार गोंयकारांक पेंशन मेळटा. भलायकी उपचारा खातीर ४ लाख लोकांनी आभा कार्ड केलां, अशी म्हायती ह्या वेळार अधिकार्यांनी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
