भांगरभूंय | प्रतिनिधी
अजय लोलयेंकारः फाल्यां दापट वाठारांत लोकोत्सवा निमतान कार्यावळ
भांगरभूंय । प्रतिनिधी
काणकोणः कॅसिनो ही गोंयची वळख न्हय. आमची लोककला, सोबीत सैम ही खरी गोंयची वळक. हेर राज्यांतल्यान येवपी लोकांक, विदेशी पर्यटकांक गोंयची संस्कृती कळची हे खातीर आदर्श युवक संघाचे संस्थापक अध्यक्ष तशेंच सभापती रमेश तवडकार लोकोत्सवाचें आयोजन करता, अशें लोलयें पोळेचे पंच अजय लोलयेंकार हांणी सांगलें.
लोलयें पंचायत सभाघरांत घेतिल्ले पत्रकार परिशदेंत लोलयेंकार उलयताले. तांचे वांगडा सरपंच प्रतिजा बांदेकार, उपसरपंच चंद्रकांत सुदीर, पंच पंकड बांदेकार, सचीन नायक, सुप्रिया, प्रिती, भूशम प्रभु गांवकार, संतोष लोलयेंकार हाजीर आशिल्ले. आदर्शग्राम आमोणें पैंगिणी जावपी लोकोत्सवाचो एक वांटो म्हूण शेनवारा 10 डिसेंबराक सांजेच्या 7.30 वरांचेर दापट माशेंच्या गॉड्स गिफ्ट सभाघरांत देशाच्या विवीध राज्यांतल्या पंगडांचें लोककला सादरीकरण जातलें. ह्या कला पंगडांच्या सादरीकरणाचो लाव लोलयें पंचायत वाठारांतल्या लोकांनी घेवचो, असो उलो सरपंच प्रतिजा बांदेकार हांणी मारलो. उपसरपंच भूशण प्रभुगांवकार हांणी लोकोत्सवा विशीं म्हायती दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
