भांगरभूंय | प्रतिनिधी
पयसो सगळ्यांत महत्वाची गजाल. समाजशास्त्रांत कार्ल मार्क्स म्हणटात, “Economy is the base and society is it’s super structure.” (Without economy society will collapse.) पयशें ना तर समाज कोसळटलो. आमच्या समाजात पयसो म्हत्वाचो जाला. ज्या मनशा कडेन पयसो आसा ताका ह्या समाजात मान फावो जाता. सगले ताका उखलून धरतात. ताचे कडेन आदरान पळयतात. जाचे कडेन पयसो ना ताका आयच्या समाजात मान फावो जायना. ताका भिकारी कशी वागणूक मेळटा. सगळेजाण पयशें जोडपा फाटल्यान आसात. पयशें पयशें करता करता मनीस मनशा वळखना जाला. कॅश वा रोकड म्हणटना तातूंत मुखेलपणान येता ती गजाल म्हणल्यार नोटी असो कांय लोकांचो समज आसता, पूण रोकड म्हणल्यार नोटी प्रमाण नाणीं पसून म्हत्वाचीं आसतात.
आताच्या जमान्यांत विज्ञानाक लागून डिजीटल माध्यमां वाडल्यांत. जाका लागून पयशांचो वेव्हार आॅनलायन जाता. जें पयशें आमी हातात दितात ताका आमी रोकड म्हणटात, तातूंत नोटी आनी नाणी हे दोनूय प्रकार येतात आनी जे आमी आॅनलायन करतात त्या प्रकाराक आॅनलान पेमेंट अशें म्हणटात.
कॅश वा रोकडी बाबतींत एक गैरसमज आसा. ताचें उदाहरण :- एक दीस दोतोर आपले गाडयेंतल्यान प्रवास करताना वाटेर ताका पुलिसान आडयलो आनी विचारलें “तुजे कडेन कॅश आसा?” त्या प्रश्नाक दोतोरान “हय” अशी जाप दिली. पुलिसान दाखय म्हणून सांगलें. दोतोरान ताका एक, दोन आनी पाच रुपयांचीं नाणीं दाखयलीं. तीं पळोवन पुलिसान म्हणलें “हे कॅश न्हय”. तेन्ना त्या दोतोरान ताका परतो प्रस्न केलो, “कॅश म्हणल्यार कितें तर?” पुलिसान सांगलें “म्हणल्यार नोटी”. ताची ती जाप आयकून दोतोरान म्हणलें, “कॅश म्हणल्यार फक्त नोटी न्हय, तर तातूंत नोटी आनी नाणीं हे दोनूय प्रकार येतात.”
– वैष्णवी शेटकार
95116 29897
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
