भांगरभूंय | प्रतिनिधी
-चांंचणी करपी गोंय थारतलें देशांतलें पयलें राज्य पणजी : कॅन्सराची (कांक्र) स्टेज तशेंच एकंंदर दुयेंसाची खरसाण कळपा खातीरची फावंडेशन 1 चांंचणी आतां गोंयांंत लेगीत सुरू जातली. ही चांंचणी करपी गोंय हे देशांतलें पयलें राज्य थारतले. भलायकी मंंत्री विश्वजीत राणे हांंणी ही म्हायती दिली.
भलायकी मंंत्री विश्वजीत राणे हांंणी पणजेत पत्रकार परिशद घेतली. कॅन्सर हॉस्पिटलाचो वावर नेटान सुरू आसा. दोतोरांनी कॅत्सरा खातीर तपासणी केले उपरांंत दोतोर शिफारस करतलें. दुयेंतीच्या कुडीचो कुडको काडून तो (बायोप्सी) हॉस्पिटलातल्या प्रयोगशाळेंत धाडटले. हाचे खातीर मुंंबयच्या कंंपनी कडेन कबलात जातली. एके चांचणेक 2 ते 3 लाख रुपया खर्च येता. सीएसआर खाला ही चांंचणी सुरू जातली, अशें राणे हांंणी सांंगलें.
कॅत्सराच्या हॉस्पिटला खातीर प्रोटोन थेरपी मशिनां सयत 1,200 कोटींची मशिनां हाडपाचो प्रस्ताव आसा. सामान्य मनशाक कॅन्सराच्यो चांंचण्यो तशेंच उपचार परवडपा सारके आसनात. हाका लागून सरकार सवलतीच्या दरात उपचार तशेंच हेर सेवा उपलब्ध करतलें, अशें तांंणी सांंगलें.
तशेंच दरेकी मतदारसंंघांत घोळटे भलायकी सुविधा केंंद्र (मोबायल हेल्थ कॅर युनीट) सुरू करपाचो प्रस्ताव आसा. गोंय वैजकी म्हाविद्यालय हॉस्पिटला सयत सरकारी हॉस्पिटलांतल्या सुविधांंचें ऑडीट जातलें. हॉस्पिटलांंनी अॅम्बुलन्सांंचो उणाव आसा. नव्यो अॅम्बुलन्सी हाडपा सयत भलायकी केंंद्रांंच्या दर्ज्यांत सुदारणा जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
