भांगरभूंय | प्रतिनिधी
खालिस्तानी समर्थकां कडल्यान वणतींचेर आक्षेपार्ह घोशणा
खबरां संस्था ः कॅनडांत परतून एकदा हिंदू देवळांक टार्गेट केलां. खालिस्तानी समर्थकांनी हिंदू देवळांच्या भायर भारतीय प्रधानमंत्री नरेंद्र मोदी हांचे आड आक्षेपार्ह घोशणा बरयल्यात. हाचे उपरांत हिंदू समाजांत तिडक निर्माण जाल्या.
कॅनडा सरकाराच्या धोरणांक लागून खालिस्तानी अतिरेकी तांच्या दुस्वास आनी हिंसाचाराच्या भौशीकां कडल्यान सहज सुटू शकतात. कॅनडाच्या एडमंटनांतल्या बीएपीएस स्वामीनारायण देवळांत ही घडणूक घडल्या.
प्रधानमंत्री नरेंद्र मोदी आनी कॅनडाचे हिंदू खासदार चंद्र आर्य हांचे आड देवळाच्या वणतींचेर आक्षेपार्ह उतरां वापरल्यात. खालिस्तानी समर्थकांनी बरयलां, प्रधानमंत्री नरेंद्र मोदी आनी कॅनडाचे खासदार आर्य हिंदू हे आतंकवादी आनी कॅनडियन विरोधी आसात.
खालिस्तानी समर्थकांक लागून हिंदू आनी भारतीय चिंतेत
कांय काळा सावन कॅनडांतल्या हिंदू देवळांक आनी समाजांतल्या लोकांक टार्गेट केल्ल्यान हिंदू आनी भारतीय चिंतेत आसा. फाटल्या कांय वर्सांत ग्रेटर टोरंटो एरिया, ब्रिटिश कोलंबिया आनी कॅनडांतल्या हेर वाठारांतल्या हिंदू देवळांनी दुस्वास करपी उलोवप करून तोडफोड केल्या.
शीख फॉर जस्टिसचो आतंकवादी गुरपतवंत सिंग पन्नू हांणी उक्तेपणान हिंदू लोकांक टार्गेट केलां. फाटल्या वर्सा तांणी हिंदू लोकांक भारतांत परत वचपाचें आवाहन जाहीरपणान केल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
