भांगरभूंय | प्रतिनिधी
भांगरभूंय । प्रतिनिधी
म्हापशेंः मोरजी हांगच्या पीटर आल्वारीस हायस्कुलाचो संस्थापक आनी निवृत्त मुख्याध्यापक, मराठी साहित्यीक कॅजिटन परेरा (80) हांका बिरेस्तार सकाळीं आल्तीन- म्हापशें हांगच्या ताच्या घरांत मरण आयलें. सोमार 10 एप्रिलाक सकाळीं 10 वरांचेर म्हापशेंच्या मिलाग्रीस चर्चीचे दफनभुंयेत तांचे कुडीचेर निमणे संस्कार करतले.
ताच्या फाटल्यान घरकान्न, चलो आनी लग्न जाल्ली चली आसा. ताचो पूत विदेशांत आसता आनी आयतार मेरेन तो गोंयांत पावतलो.आदले केंद्रीय मंत्री रमाकांत खलप, आदले उपसभापती शंभू भाऊ बांदेकार, अॅड प्रभाकर नारुलकार, अॅड गोपाळ काणेकार, निवृत्त मुख्याध्यापक दयानंद मांद्रेकार हांणी तांच्या पार्थिवाचें दर्शन घेतलें. मराठीक राजभाशेचो दर्जो मेळचो हे खातीर सुरू केल्ल्या आंदोलनांत परेरा हांणी सक्रिय वांटो घेतल्लो. समाजोन्नती संघटनेन तांच्या मरणाक लागून दुख्ख उक्तायलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
