भांगरभूंय | प्रतिनिधी
मडगांवः गोंयांतल्या कृशी धोरणाचो मसुदो तयार केला. मंत्रीमंडळ बसकेंत कृशी धोरण सादर करून मान्यताय घेतले. ते उपरांत गोंयांत रोखडेंच कृशी धोरण चालीक लायतले. ही प्रक्रिया डिसेंबर म्हयन्या मेरेन पुराय जातली, अशें कृशी मंत्री रवी नायक हांणी सांगलें.
एके कार्यावळी खातीर मडगांवां आयिल्ल्या कृशी मंत्री रवी नायक हांणी पत्रकारां कडेन उलयतना ही म्हायती दिली. राज्यांतल्या कृशी धोरणाचे प्रस्ताव तयार करून कृशी धोरण तयार केलां अशें मंत्री नायक हांणी सांगलें. कृशी धोरणाची मसुदो तयार करतना मुख्यमंत्री डॉ. प्रमोद सावंत हांकां एक प्रत दिल्या. कृशी धोरण मंत्रीमंडळा मुखार सादर करून ताका मान्यताय घेतले. कृशी धोरणाक मान्यताय मेळ्ळे उपरांत रोखडेंच धोरण चालीक लायतले. हे विशीं दोन दिसांनी मुख्यमंत्र्याची भेट घेतलो आनी हे विशीं चर्चा जातली. डिसेंबर म्हयन्या मेरेन कृशी धोरण चालीक लागतले अशें कृशी मंत्री रवी नायक हांणी सांगलें. तशेंच राज्याच्या कृशी धोरणांत वेगवेगवेगळ्यो तजविजो केल्यात. ते प्रमाण कृशी क्षेत्राक चालना मेळटली. कृशी खातें तरणाट्यांक प्रशिक्षण दिता. तरणाट्यांकय शेतकामाची आवड आसा आनी तांकां उर्बा दितले.
जमीन राखून दवरपाची गरज
गोंयकारांनी दायज म्हूण मेळिल्लीं जमीन विकूंक फावना. जमनी फुडल्या पिळग्यां खातीर राखून दवरपाची गरज आसा. राज्यांतल्यो जमनी तिगोवन दवरल्यार गोंय तिगतले. राज्या भायले लोक येवन गोंयांत जमीन विकत घेतात. ते जमनीचेर काँक्रिटाची रानां उबीं जावपाक लागल्यात, आनी ताका लागून गोंयचें हवामान बदलतलें आनी गोंयचें तापमान वाडूं येता अशेंय मंत्री नायक हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
