भांगरभूंय | प्रतिनिधी
शिक्षणाची निसण चडटना जाय तो बदल शिक्षणांत जाला. पाठ्यपुस्तका पुरतेंच शिक्षण घेवप हें पोरणें जायत गेलां. मुळाव्या पांवड्याचेर वेगवेगळ्या कृती नुसार शिक्षण भुरग्यांक दितात. कृतील्यान शिक्षण घेवप म्हणल्यार प्रत्यक्ष अणभवांतल्यान शिकप. भुरग्यांची स्मरण शक्तींत सुधारणा जाता. वेव्हारीक जिणेंत मजत जाता तशेंच तकलेर वजें कमी जाता. भुरग्यांक शिक्षणाची उमळशीक लागता आनी उमेदीन भुरगीं शिकपाक लागतात. हांसत- खेळत, मनोरंजनांतल्यान शिक्षणाचो विकास जाता.
भुरगे वेगवेगळ्या खेळांतल्यान शिक्षणाचीं रुपां दाखयतात, देखून भुरग्यांची गतीचेर वाड जाता. शिक्षणाच्या कुडींत तरेकवार खेळ, गाणीं, काणी, कृती घेवपाक येता. इतलेंच न्हय तर सैम आमकां खूब बरो शिकयता. झाडां पेडां, सैमीक बदल, खाण, जनावरां, शेवणीं विशीं सांगता. सैमाचीं भोंवडी करून भुरग्यांक थेट गिन्यान मेळटा. देखून भुरग्यां मदीं शिक्षणा विशीं आवड निर्माण करपा खातीर कृती आदारीत शिक्षण सामकें गरजेचें आसा.
– उर्वी उल्हास वेळीप
बडसरे गांवडोंगरी
urvivelip890@gmail.com
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
