भांगरभूंय | प्रतिनिधी
भांगरभूंय । प्रतिनिधी
मडगांवः कुसुमाग्रज हाचे कवितेंत मराठी भाशेचें वैभव दिसता. ताचे कवितेंत दलील वर्गा विशीं कणव आनी तांची दुख्खां, व्यापक मोगाचें रूप आनी आशावाद दिसून येता. ताचे कवितेंतले भाव मनांत घर करतात अशें काणकोणच्या मल्लिकार्जुन म्हाविद्यालयाच्या मराठी विभगाची आदली मुखेली डॉ प्रमदा देसाय हिणे सांगलें.
रावणफोंड हांगा अरूण रायकार हाच्या राधिका ह्या घरांत मराठी भास गौरव दिसा निमतान मराठी अकादमीच्या साश्ट प्रभाग आनी कुडचडें सांस्कृती केंद्रान मराठी भास आनी कुसुमाग्रज ह्या विशयाचेर देसाय उलयताली. ह्या वेळार मराठी साश्ट प्रभागाचो अध्यक्ष अरूण रायकार, कुडचडें सांस्कृतीक केंद्राचो अध्यक्ष अरूण पाटील, उपाध्यक्ष अॅड महादजी प्रभुदेसाय, आदलो सरकारी सनदी अधिकारी पी के वेळीप काणकार, रजनी रायकार, चित्रा क्षीरसागर आनी मुंबयच्यान खासा आयिल्ली सुकन्या जोशी हाजीर आशिल्ली.
सुरवेक कुसुमाग्रज हांच्या फोट्याक मानेस्तांनी फुलां पाकळ्यो घालून तांकां आर्गां ओपलीं, डॉ देसाय हिणे कुसुमाग्रजांच्या वेचीक कविताचे रसग्रहण केलें. अरूण रायकारान येवकार दिलो, महादजी प्रभुदेसायान प्रास्तावीक केलें. कार्यावळीचें सूत्रसंचालन रजनी रायकारान केलें. ह्या उपरांत जाल्ल्या कवी संमेलनांत प्रसाद सावंत, अॅड, संतोष तिंबलो, दया मित्रगोत्री, अभय सुराणा, चित्रा क्षीरसागर, प्रकाश क्षीरसागर, कविता आमोणकार, स्ंनेहा केणी, बबिता नार्वेकार, रजनी रायकर, सारिका आडविलकर , वैशाली व्हरखट , स्मिता कारो, रेशम झारापकर, अरुण पाटील, सुप्रिया जोशी, हनुमंत मावजो, सुप्रिया नायक, सुलभा सावंत हांणी आपापल्यो कविता सादर केल्या. सूत्रसंचालन शर्मिला प्रभून केलें आनी सुप्रिया नायकान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
